اسلام آباد۔8مئی (اے پی پی) نائب وزیراعظم اتے وزیر خارجہ محمد اسحاق ڈار اتے ازبک وزیر خارجہ بختیار سیدوف وچال بدھ کوں دفتر خارجہ اچ مذاکرات تھیے۔ دفترخارجہ موجب مذاکرات اچ ݙوپاسہ تعلقات دے سارے پہلو تجارت، سرمایہ کاری، سلامتی، عوام دی سطح تے رابطے اتے رابطیاں دے منصوبیاں تے توجہ ݙتی ڳئی۔ انہاں ازبکستان ۔افغانستان۔پاکستان ریلوے منصوبے تے جلدی عمل کراوݨ کیتے کوششاں تیز کرݨ دا عزم کیتا۔
