وزیرِ اعظم شہباز شریف نال ازبکستان دے وزیر خارجہ دی ملاقات،تجارت، معیشت، سیکورٹی، دفاع، سماجی رابطے اتے ٻئے شعبیاں اچ تعاون ودھاوݨ بارے ڳالھ مہاڑ

اسلام آباد۔8مئی (اے پی پی) وزیرِ اعظم محمد شہباز شریف نال ازبکستان دے وزیر خارجہ بختیار سیدوف ملاقات کیتی جئین اچ تجارت، معیشت، سیکورٹی، دفاع، سماجی رابطے اتے ٻئے شعبیاں اچ تعاون ودھاوݨ بارے ڳالھ مہاڑ کیتی ڳئی۔ بدھ کوں وزیراعظم آفس دے میڈیاونگ توں جاری بیان موجب ملاقات اچ وزارت عظمیٰ دے منصب تے ݙوجھی واری منتخب تھیوݨ تے مبارخ ݙیندیں ہوئیں ازبک وزیرخارجہ ازبکستان دے صدر شوکت مرزیوئیف ولوں وزیر اعظم محمد شہباز شریف کوں ازبکستان دے دورے دی دعوت ݙتی۔ وزیراعظم ازبکستان دے صدر شوکت مرزیوئیف دا شکریہ ادا کیتا۔