اسلام آباد۔9مئی (اے پی پی) وفاقی وزیر داخلہ محسن نقوی نال چین دے سفیر جیانگ زی ڈونگ ملاقات کیتی۔ وزارت داخلہ آوݨ تے وفاقی وزیر داخلہ محسن نقوی چینی سفیر دا خیرمقدم کیتا۔ ملاقات اچ وزیر اعظم پاکستان دے دورہ چین دی تیاریاں بارے ڳالھ کیتی ڳئی۔ پاکستان اچ چینی شہریاں دی فول پروف سکیورٹی بارے کیتے ڳئے اقدامات تے وی ڳالھ کیتی ڳئی۔ چین دے سفیر وزارت داخلہ دا قلمدان سنبھالݨ تے محسن نقوی کوں مبارخ ݙتی۔ ایں موقع تے وفاقی سیکرٹری داخلہ خرم علی آغا، چین دے سفارت خانے دے اعلی حکام اتے متعلقہ افسر موجود ہن۔
