لاہور۔10مئی(اے پی پی)وزیراعلیٰ پنجاب مریم نواز لیپ ٹاپ سکیم دی منظوری ݙتی اے جیندے اچ پنجاب دے طلبہ کوں 7 سال بعد ولا جدید ترین لیپ ٹاپ ݙتے ویسن۔ اے فیصلہ وزیراعلیٰ مریم نواز دی اڳواݨی اچ لاہور اچ ہائر ایجوکیشن سیکٹر ریفارمز دے اجلاس اچ کیتا ڳئے۔ اجلاس اچ ہائر ایجوکیشن دی ترقی، لیپ ٹاپ اتے طالبات کوں ٹرانسپورٹ سہولتاں ݙیوݨ تے غور کیتا ڳئے۔ اجلاس پسماندہ اضلاع اچ …
وزیراعلیٰ پنجاب لیپ ٹاپ سکیم دی منظوری ݙے ݙتی
لاہور۔10مئی(اے پی پی)وزیراعلیٰ پنجاب مریم نواز لیپ ٹاپ سکیم دی منظوری ݙتی اے جیندے اچ پنجاب دے طلبہ کوں 7 سال بعد ولا جدید ترین لیپ ٹاپ ݙتے ویسن۔ اے فیصلہ وزیراعلیٰ مریم نواز دی اڳواݨی اچ لاہور اچ ہائر ایجوکیشن سیکٹر ریفارمز دے اجلاس اچ کیتا ڳئے۔ اجلاس اچ ہائر ایجوکیشن دی ترقی، لیپ ٹاپ اتے طالبات کوں ٹرانسپورٹ سہولتاں ݙیوݨ تے غور کیتا ڳئے۔ اجلاس پسماندہ اضلاع اچ ترجیحی بنیاد تے نویاں یونیورسٹیاں اتے کالجز ٻݨاوݨ تے وی اتفاق کیتے۔ وزیر اعلیٰ آکھیے جو ہر ضلع اچ عالمی معیار دیاں یونیورسٹیاں اتے تحصیل سطح تے کالج ٻݨاوݨ ترجیح اے، سکول ایجوکیشن اتے ہائر ایجوکیشن سیکٹر کوں مکمل ری ویمپ کرݨ دی لوڑھ اے۔ اجلاس اچ سینئر صوبائی وزیر مریم اورنگزیب، صوبائی وزیر تعلیم رانا سکندر حیات، وزیر اطلاعات عظمی زاہد بخاری، چیف سیکرٹری، سیکرٹری ہائر ایجوکیشن اتے ٻعے حکام موجود ہن۔
