اسلام آباد۔11مئی (اے پی پی):نائب وزیراعظم اتے وزیر خارجہ سینیٹر محمد اسحاق ڈار 13 توں 16 مئی 2024 تئیں عوامی جمہوریہ چین دے دار الحکومت بیجنگ دا چار ݙینھ دا دورہ کریسن جتھاں او چینی وزیر خارجہ اتے چین دی کمیونسٹ پارٹی دے امور خارجہ کمیشن، جنرل آفس دے ڈائریکٹر وانگ یی نال پنجویں پاک چین وزرائے خارجہ اسٹریٹجک ڈائیلاگ دی مشترکہ صدارت کریسن ۔ دفتر خارجہ توں جاری …
نائب وزیراعظم تےوزیر خارجہ سینیٹر محمد اسحاق ڈار 13مئی توں عوامی جمہوریہ چین دا چار ݙینھ دا دورہ کریسن
اسلام آباد۔11مئی (اے پی پی):نائب وزیراعظم اتے وزیر خارجہ سینیٹر محمد اسحاق ڈار 13 توں 16 مئی 2024 تئیں عوامی جمہوریہ چین دے دار الحکومت بیجنگ دا چار ݙینھ دا دورہ کریسن جتھاں او چینی وزیر خارجہ اتے چین دی کمیونسٹ پارٹی دے امور خارجہ کمیشن، جنرل آفس دے ڈائریکٹر وانگ یی نال پنجویں پاک چین وزرائے خارجہ اسٹریٹجک ڈائیلاگ دی مشترکہ صدارت کریسن ۔ دفتر خارجہ توں جاری اعلامیہ موجب ایں موقع تے فریقین اقتصادی اتے تجارتی تعاون، اعلیٰ سطح دے تبادلے تے دورے،چین پاکستان اقتصادی راہداری دی اپ گریڈیشن اتے مستقبل دے رابطے دے اقدامات سودھے پاک چین ݙوطرفہ تعلقات دا جامع جائزہ گھنسن ۔ ݙوہیں رہنما علاقائی جغرافیائی سیاسی منظر نامے اتے کثیرالجہتی فورم تے ݙوطرفہ تعاون تے ڳالھ مہاڑ کریسن ۔سٹریٹیجک ڈائیلاگ دے موقع تے نائب وزیر اعظم اتے وزیر خارجہ محمد اسحاق ڈار دی چینی رہنماواں، سینئر وزراء اتے کارپوریٹ شعبہ دے سرکردہ ایگزیکٹوز نال ملاقات وی متوقع ہے۔نائب وزیراعظم دا دورہ پاکستان تے چین وچال اعلیٰ سطح دے باقاعدہ تبادلیں دا حصہ اے۔
