اسلام آباد۔11مئی(اے پی پی):وزیراعظم محمد شہباز شریف آکھیے پاکستان اچ زراعت ، غذائی تحفظ ،انفارمیشن ٹیکنالوجی ، سیاحت ،کان کنی اتے ٻئے شعبیں اچ ٻہوں استعداد اے، اساں حکومتی گورننس دے ڈھانچے تےادارہ جاتی اصلاحات دے پاسے ٹردے پیوں ۔وزیر اعظم آفس میڈیا ونگ توں جاری اعلامیہ موجب وزیراعظم محمد شہباز شریف نال پاکستان اچ تعینات برطانوی ہائی کمشنر جین میریٹ ملاقات کیتی۔ ملاقات اچ اکنامکس اینڈ ایویلیوایشن ڈائریکٹوریٹ …
وزیر اعظم محمد شہباز شریف نال برطانوی ہائی کمشنرجین میریٹ دی ملاقات
اسلام آباد۔11مئی(اے پی پی):وزیراعظم محمد شہباز شریف آکھیے پاکستان اچ زراعت ، غذائی تحفظ ،انفارمیشن ٹیکنالوجی ، سیاحت ،کان کنی اتے ٻئے شعبیں اچ ٻہوں استعداد اے، اساں حکومتی گورننس دے ڈھانچے تےادارہ جاتی اصلاحات دے پاسے ٹردے پیوں ۔وزیر اعظم آفس میڈیا ونگ توں جاری اعلامیہ موجب وزیراعظم محمد شہباز شریف نال پاکستان اچ تعینات برطانوی ہائی کمشنر جین میریٹ ملاقات کیتی۔ ملاقات اچ اکنامکس اینڈ ایویلیوایشن ڈائریکٹوریٹ ، فارن کامن ویلتھ اینڈ ڈویلپمنٹ آفس لندن دے چیف اکانومسٹ و ڈائریکٹر پروفیسر عدنان خان وی موجود ہن ۔ ایں موقع تے ݙو پاسے امور تے ڳالھ مہاڑ کیتی ڳئی ۔ ملاقات اچ وزیراعظم محمد شہباز شریف برطانوی ہائی کمشنر کوں آکھیے جو پاکستان اتے برطانیہ دے پراݨے تعلقات ہن جیڑھے جو ویلھے دے نال نال مزید تکڑے تھیندے پئن ۔ پاکستان برطانیہ تے ٻئے ملکاں نال سرمایہ کاری چاہندے ۔انہاں آکھیے اساں حکومتی گورننس دے ڈھانچے اتے ادارہ جاتی اصلاحات دے پاسے ٹردے پیوں جݙاں جو فیڈرل بورڈ آف ریونیو دی ڈیجیٹائزیشن حتمی مرحلے اچ اے تے ملکی معیشت دی بحالی سانڳے میکرو اتے مائیکرو اکنامک سطح تے اقدامات چاتے ویندے پئن ۔ برطانوی وفد حکومت پاکستان دی طرفوں ایجوکیشن ایمرجنسی دے اقدام دی تعریف کیتی ۔ ملاقات اچ نائب وزیراعظم و وزیر خارجہ سینیٹر محمد اسحاق ڈار وی موجود ہن ۔
