آزاد کشمیر اچ افراتفری اتے انارکی کھنڈاوݨ آلیاں دے خاب مٹی اچ مل ڳئن، انجیئنر امیر مقام دی پریس کانفرنس

اسلام آباد۔14مئی  (اے پی پی) وفاقی وزیر امور کشمیر تے گلگت بلتستان انجیئنر امیر مقام آکھیا جو آزاد کشمیر اچ  افراتفری اتے انارکی کھنڈاوݨ آلیاں دے خاب مٹی اچ مل ڳئن، حکومت پاکستان ، کشمیر اتے گلگت بلتستان دی قربانیاں کوں ݙیکھدیں ہوئیں انہاں دے مطالبے کوں ہر شئے توں ہٹ تے پورے کرݨ کیتے پرعزم اے۔ حکومت آزاد کشمیر کوں 8.8بلین روپے ، 218ملازمین ،36گاݙیاں منتقل کر ݙتن، بجلی اتے اٹے دی مد اچ سبسڈی کیتے 23 ارب روپے ݙیوݨ کیتے سمری وزارت امور کشمیر وزیراعظم کوں ٻھجوا ݙتی اے۔ جلدی اے فنڈز وی حکومت آزاد کشمیر کوں منتقل کر ݙتے ویسن۔ او منگل کوں وفاقی وزیر اطلاعات تے نشریات عطا تارڑ دے رَلے پارلیمنٹ ہاؤس دے باہر میڈیا نال ڳالھ مہاڑ کریندیں ہوئیں آکھی۔ وفاقی وزیر امیر مقام آکھیا جو آزاد کشمیر دی صورتحال بارے ݙساوݨ آیوں، وزیراعظم شہباز شریف دے ویلھے تے نوٹس اتے کاروائی نال احتجاج مُک ڳئے۔ کشمیر اتے گلگت بلتستان پاکستان کیتے ٻہوں اہم ہن۔ انہاں تے کݙاہیں اوکھ آئی تاں اساں حاضر ہیسے۔ انہاں دی قربانیاں اتے پاکستان دا ساتھ ݙیوݨ دے فیصلے دی قدر کریندوں۔ انہاں آکھیا جو اساں احتجاج کرݨ آلیاں دے مطالبے تے ترامیم کر تے 7.7 بلین روپے دے فنڈز جیڑھے جو وزارت امور کشمیر اتے کشمیرکونسل کول ہن او آزاد کشمیر حکومت کوں منتقل کر ݙتے ڳئن۔ انہاں دے مطالبے تے کشمیر کونسل دے 218ملازمین اتے 36گاݙیاں کشمیر حکومت دے حوالے کر ݙتن۔