اسلام آباد۔14مئی (اے پی پی) وفاقی وزیر اطلاعات تے نشریات عطاءاللہ تارڑ آکھیا جو کشمیر دے معاملے تے تحریک انتشار اتے ملک دشمن دا ایجنڈا ہکو ہئی، تحریک انتشار وی کشمیر دےمعاملے تے انتشار کھنڈاوݨ دا سوچیندی پی ہئی۔ وزیراعظم دے ویلھے تے نوٹس ہک سانحے توں بچا ڳھدے، کشمیر پاکستان دی شہ رگ اے۔ کشمیر آلے پاسے کہیں کوں میلی اکھ نال کائنا ݙیکھݨ ݙیسوں۔ منگل کوں وفاقی وزیر …
کشمیر دے معاملے تے تحریک انتشار اتے ملک دشمن دا ایجنڈا ہکو ہئی، عطاءاللہ تارڑ
اسلام آباد۔14مئی (اے پی پی) وفاقی وزیر اطلاعات تے نشریات عطاءاللہ تارڑ آکھیا جو کشمیر دے معاملے تے تحریک انتشار اتے ملک دشمن دا ایجنڈا ہکو ہئی، تحریک انتشار وی کشمیر دےمعاملے تے انتشار کھنڈاوݨ دا سوچیندی پی ہئی۔ وزیراعظم دے ویلھے تے نوٹس ہک سانحے توں بچا ڳھدے، کشمیر پاکستان دی شہ رگ اے۔ کشمیر آلے پاسے کہیں کوں میلی اکھ نال کائنا ݙیکھݨ ݙیسوں۔ منگل کوں وفاقی وزیر امور کشمیر انجینئر امیر مقام دے رَلے پارلیمنٹ ہائوس اچ میڈیا نال ڳالھ مہاڑ کریندیں ہوئیں انہاں آکھیا جو کشمیر دے معاملے تے وزیراعظم محمد شہباز شریف دے ویلھے تے نوٹس اتے وزیر امور کشمیر دی کوششاں اساکوں سانحے توں بچائے اتے دشمن دی سازش ناکام تھئی۔ انہاں آکھیا جو وزیراعظم ساری اتحادی جماعتاں اتے سٹیک ہولڈرز کوں سݙ تے انہاں کوں سݨیا، کل دے اجلاس اچ وزیراعظم آزاد کشمیر سودھی ساری قیادت موجود ہئی، آپسی افہام و تفہیم نال معاملے کوں حل کیتا ڳئیا۔ اجلاس اندر فیصلہ کیتا ڳئیا جو 23 ارب روپے دی رقم وفاقی حکومت دا فوری آزاد کشمیر حکومت کوں ݙیسی۔
