اسلام آباد۔15مئی (اے پی پی):صدر مملکت آصف علی زرداری ژوب دے علاقے سمبازہ اچ کامیاب آپریشن تے سکیورٹی فورسز کوں خراج تحسین پیش کیتے۔ صدر مملکت میجر بابر خان شہید دی بہادری ، وطن سانڳے خدمات اتے جذبہ حب الوطنی دی وی تعریف کیتی ۔ایوان صدر دے پریس ونگ موجب آپݨے تعزیتی بیان اچ صدرآصف علی زرداری فرائض نبھاوݨ دے دوران جام شہادت نوش کرݨ تے میجر بابر خان شہید کوں خراج عقیدت پیش کیتے۔صدر مملکت شہید دے وارثاں نال تعزیت اتے انہاں سانڳے صبر دی دعا کیتی ۔ انہاں شہید سانڳے اُچے درجات دی دعا کیتی ۔صدر مملکت پاک فوج دی پیشہ وارانہ صلاحیتاں دی وی تعریف کیتی۔
