گلوبل وارمنگ نال گلیشیئرز، ماحولیاتی نظام، زندگی اتے معاش تے منفی اثرات پوندے پئن، رومینہ خورشید عالم

اسلام آباد۔15مئی  (اے پی پی) وزیر اعظم دی کوآرڈینیٹر برائے موسمیاتی تبدیلی رومینہ خورشید عالم آکھیا جو گلوبل وارمنگ نال   گلیشیئرز، ماحولیاتی نظام، زندگی اتے معاش تے منفی اثرات پوندے پئن جڈانجو تکھے پگھلدے ہوئے گلیشیئرز، ماحولیاتی نظام دے نقصان اتے زندگیاں اتے معاش دے تحفظ دے چیلنجز نال نبڑݨ ایں ویلھے ممکن کائنی ڄڈاں تئیں عالمی برادری گلوبل وارمنگ دے محرکات خصوصی طور گرمی اچ ودھارا کرݨ آلی گیساں دے اخراج نال نبڑݨ کیتے اقدامات کیتے ونجن۔ اطالوی غیر سرکاری تنظیم ’ای وی کے ٹوسی این آر    ‘ نال ہک اجلاس دی صدارت کریندیں ہوئیں انہاں آکھیا جو پاکستان سودھے پہاڑی علاقیاں اچ برف دے احاطہ دی حد اتے دورانہ ودھݨ پاروں درجہ حرارت دے نال موسمی نمونیاں اچ تبدیلی، گلیشئرز دے پگھلݨ، پرما فراسٹ دا پگھلݨ، اتے برف اچ ڳھٹکی وی شامل اے جئیں پاروں پاݨی دا بہاؤ اتے صنعتی، گھریلو تے زرعی استعمال دی دستیابی ڳھٹ تھیندی پئی اے۔ رومینہ خورشید عالم اجلاس کوں ݙسیا جو وزیر اعظم شہباز شریف دی ماحولیاتی استحکام اتے سماجی تے اقتصادی شعبیاں اچ موسمیاتی لچک پیدا کرݨ کیتے خصوصی طور سنجیدہ اتے پرعزم ہن۔