وزیر اعلیٰ پنجاب ایجوکیشن ریفارمز بارے 5 سالہ پلان دا شیڈول منڳ ڳھدے

اسلام آباد۔15مئی(اے پی پی) وزیر اعلیٰ پنجاب مریم نواز ایجوکیشن ریفارمز بارے 5 سالہ پلان دا شیڈول منڳ ڳھدے۔ او لاہور اچ سکول ایجوکیشن ریفامز دے خصوصی اجلاس دی اڳواݨی کریندیاں پیاں ہن۔ اجلاس اچ سینیٹر پرویز رشید، صوبائی وزراء مریم اورنگزیب، رانا سکندر حیات، ایم پی اے ثانیہ عاشق، چیف سیکرٹری، سیکرٹری ایجوکیشن اتے ٻئے متعلقہ حکام شریک تھئن۔ سیکرٹری سکول ایجوکیشن، سکول نیوٹریشن پراجیکٹ تے بریفنگ ݙتی۔ وزیر اعلیٰ پنجاب پرائمری سکول ہیڈز کوں 32 ہزار 298 کمپیوٹر ٹیب ݙیوݨ دی منظوری ݙتی اتے ہک ہزار ایلیمنٹری سکولاں اچ آئی ٹی اینڈ سائنس لیب ٻݨاوݨ تے اتفاق تھئے ایں سانڳے ایشیائی ترقیاتی بینک ہک سو ملین ڈالر دا ہتھ ونݙیسی۔ اجلاس سرکاری سکولاں دے 3 لکھ ٻالاں کوں گوگل سرٹیفکیشن کیتے معاہدے دی اصولی منظوری وی ݙتی۔ ڈیجیٹل سفر برائے ٹیک ویلی پراجیکٹ سانڳے طلبہ کوں گوگل سرٹیفکیشن دے مواقع ملسن۔ اجلاس اچ پنجاب ایجوکیشن کریکولم اینڈ ٹریننگ دے قیام دی تجاویز دا جائزہ ڳھدا ڳیا۔