وفاقی وزیر تجارت دی صدارت اچ پاکستان دی برآمدی اتے کاروباری شعبیں اچ اہم مسئلیں دے حل سانڳے اہم اجلاس

اسلام آباد۔16مئی (اے پی پی):وفاقی وزیر تجارت جام کمال خان پاکستان دی برآمدی اتے کاروباری شعبیں اچ اہم مسئلیں دے حل سانڳے ھک اعلیٰ سطح دے اجلاس دی صدارت کیتی۔ وزارت تجارت دے جاری اعلامیہ موجب وفاقی وزیر تجارت جام کمال خان وزیراعظم شہباز شریف دی ہدایت تے کاروباری شعبے کوں پیش آندے مسئلے تے چیلنجز نال نبݨݨ سانڳے اعلیٰ سطح دی  کمیٹی دا اجلاس کیتا ڳئے۔اجلاس اچ اعلیٰ برآمد کنندگان، کاروباری شخصیات ، خصوصی سرمایہ کاری سہولت کونسل (ایس آئی ایف سی  ) دے ڈائریکٹر جنرل میجر جنرل تبسم حبیب، ایف بی آر، خزانہ، صنعت، میری ٹائم اتے انفارمیشن ٹیکنالوجی دے شعبیں دے مختلف وزارتاں دے نمائندیں شرکت کیتی ۔چیمبرز آف کامرس، پاکستان بزنس کونسل (پی بی سی )، تاجر برادری اتے ٹریڈ ڈویلپمنٹ اتھارٹی آف پاکستان (ٹی ڈی اے پی ) دی طرفوں وزارت کوں وقتاً فوقتاً  ݙسائے ڳئے معاملات تے اسٹیک ہولڈرز اتے متعلقہ حکومتی اداریں نال براہ راست انگیج تھی تے عملی حل کڈھݨ تے ڳالھ مہاڑ کیتی ڳئی اے ۔جام کمال اجلاس اچ ایف بی آر دے چیئرمین، اسٹیٹ بینک دے گورنر، اتے سیکرٹری خزانہ دی عدم موجودگی تے تشویش دا اظہارکیتے اتے 20 تاریخ کوں تھیوݨ آلے ݙوجھے اجلاس اچ حاضری کوں یقینی بݨاوݨ دی ہدایت کیتی ۔