اسلام آباد۔20مئی (اے پی پی):چیئرمین سینیٹ سید یوسف رضا گیلانی ہیلی کاپٹر حادثے دے نتیجے اچ ایرانی صدر ابراہیم رئیسی ،وزیر خارجہ حسین امیر عبداللہیان تے ایران دے صوبے مشرقی آذربائیجان دے گورنر مالک رحمتی سودھے ٻئے لوکاں دی وفات تے ݙکھ تے افسوس کیتے ۔ سینیٹ سیکرٹریٹ توں جاری بیان موجب سید یوسف رضاگیلانی آکھیے جو ایرانی صدر دے انتقال دی خبر سݨ تے دلوں ٻہوں ݙکھ تھئے،ایرانی صدر …
چیئرمین سینیٹ دا ایرانی صدر ابراہیم رئیسی دے انتقال تے اظہار تعزیت
اسلام آباد۔20مئی (اے پی پی):چیئرمین سینیٹ سید یوسف رضا گیلانی ہیلی کاپٹر حادثے دے نتیجے اچ ایرانی صدر ابراہیم رئیسی ،وزیر خارجہ حسین امیر عبداللہیان تے ایران دے صوبے مشرقی آذربائیجان دے گورنر مالک رحمتی سودھے ٻئے لوکاں دی وفات تے ݙکھ تے افسوس کیتے ۔ سینیٹ سیکرٹریٹ توں جاری بیان موجب سید یوسف رضاگیلانی آکھیے جو ایرانی صدر دے انتقال دی خبر سݨ تے دلوں ٻہوں ݙکھ تھئے،ایرانی صدر دا انتقال ھک ناقابل تلافی ضیان اے۔ انہاں آکھیے پاکستان دی پارلیمان اتےعوام صدر رئیسی دی سیاسی اتے سماجی خدمات کوں خراج عقیدت پیش کریندی اے ۔ پاکستان دی پارلیمان اتے عوام ہیلی کاپٹر حادثہ اچ جاں بحق تھیوݨ آلے سارے لوکاں دے گھر آلیں دے ݙکھ اچ برابر دی شریک اے ۔ چیئرمین سینیٹ اللہ تعالیٰ توں مرحومین دے اُچے درجات تے ݙکھی خاندان سانڳے صبر دی دعا کیتی۔
