اسلام آباد۔20مئی (اے پی پی):وزیراعظم محمد شہبازشریف ہیلی کاپٹر حادثے اچ ایران دے صدر ڈاکٹر ابراہیم رئیسی اتے انہاں دے ساتھیاں دے جاں بحق تھیوݨ تے ݙکھ تے افسوس کریندے ہوئی سوڳ مناوݨ دا اعلان کرݙتے تے آکھیے جو ڈاکٹر ابراہیم رئیسی پاکستان دے چنڳے دوست ہن اساکوں چنڳی خبر دی امید ہئی لیکن افسوس ایویں نہ تھی سڳیا ۔صدر رئیسی اتے انہاں دے ساتھیاں دے احترام تے بھرا ایران …
وزیراعظم شہبازشریف دا ایران دے صدر ڈاکٹر ابراہیم رئیسی اتے انہاں دے ساتھیاں دے جاں بحق تھیوݨ تے ݙکھ تے افسوس ، سوڳ دا اعلان
اسلام آباد۔20مئی (اے پی پی):وزیراعظم محمد شہبازشریف ہیلی کاپٹر حادثے اچ ایران دے صدر ڈاکٹر ابراہیم رئیسی اتے انہاں دے ساتھیاں دے جاں بحق تھیوݨ تے ݙکھ تے افسوس کریندے ہوئی سوڳ مناوݨ دا اعلان کرݙتے تے آکھیے جو ڈاکٹر ابراہیم رئیسی پاکستان دے چنڳے دوست ہن اساکوں چنڳی خبر دی امید ہئی لیکن افسوس ایویں نہ تھی سڳیا ۔صدر رئیسی اتے انہاں دے ساتھیاں دے احترام تے بھرا ایران نال اظہار یکجہتی سانڳے قومی پرچم تلے رہسی ۔ آپݨے ٹویٹ اچ وزیراعظم آکھیے پاکستان کوں ھک مہینے توں وی گھٹ عرسہ پہلے ھک تاریخی دورے تے صدر ابراہیم رئیسی اتے وزیر خارجہ حسین امیرعبداللہیان دی میزبانی دا شرف ملیا ۔ او پاکستان دے ٻہوں چنڳے یار ہن انہاں آکھیے ایں سانحے تے پاکستان اچ وی سوڳ دا ݙینھ منایا ویسی تے صدرابراہیم رئیسی اتے انہاں دے ساتھیاں دے احترام تے بھرا ملک ایران نال اظہار یکجہتی دے طور تے پرچم تلے رہسی وزیراعظم آکھیے صدر رئیسی دے ہیلی کاپٹر دی کریش لینڈنگ دی اطلاع دے حوالے نال تھیوݨ آلی پیشرفت کوں بے چینی نال ݙیکھدے پئے ہاسے چنڳی خبر دی امید ہئی لیکن افسوس جو ایویں کائنی تھیا۔ وزیراعظم آکھیے او پاکستان دی حکومت اتےعوام نال ایں وݙے ضیان تے ایرانی قوم دے نال دلی تعزیت تے ہمدردی دا اظہار کریندن۔ انہاں دعا کیتی اللہ تعالیٰ حادثے اچ شہید تھیوݨ آلیں کوں جنت الفردوس اچ اعلیٰ مقام عطا فرماوے۔ عظیم ایرانی قوم روایتی ہمت نال ایں سانحہ تے قابو پا گھنسی۔
