تہران ۔20مئی(اے پی پی):ایران دے صدر ابراہیم رئیسی تے وزیر خارجہ حسین امیرعبداللہیان ہیلی کاپٹرحادثے اچ جاں بحق تھی ڳئن ۔ایرانی خبررساں ایجنسی مہر تصدیق کیتی اے جو صدر اتے وزیر خارجہ کوں گھن ونڄݨ آلے ہیلی کاپٹر دے سارے مسافر جاں بحق تھی ڳئن ۔ایجنسی موجب شہید ڈاکٹر سید ابراہیم رئیسی اتوار دی شام سرحدی علاقے قیز قلعہ اچ آذربائیجان دے صدر الہام علیوف دے رلے ڈیم دا افتتاح …
ایران، صدر ابراہیم رئیسی آپݨے ساتھیں سودھے ہیلی کاپٹرحادثے اچ جاں بحق
تہران ۔20مئی(اے پی پی):ایران دے صدر ابراہیم رئیسی تے وزیر خارجہ حسین امیرعبداللہیان ہیلی کاپٹرحادثے اچ جاں بحق تھی ڳئن ۔ایرانی خبررساں ایجنسی مہر تصدیق کیتی اے جو صدر اتے وزیر خارجہ کوں گھن ونڄݨ آلے ہیلی کاپٹر دے سارے مسافر جاں بحق تھی ڳئن ۔ایجنسی موجب شہید ڈاکٹر سید ابراہیم رئیسی اتوار دی شام سرحدی علاقے قیز قلعہ اچ آذربائیجان دے صدر الہام علیوف دے رلے ڈیم دا افتتاح کرݨ دے بعد تبریز شہر واپس ویندے پئے ہن جو ایران دے صوبے مشرقی آذربائیجان دے علاقے زرقان اچ انھاں دا ہیلی کاپٹر حادثے دا شکار تھی ڳیا جیں اچ او آپݨے ساتھیاں دے رلے جاں بحق تھی ڳئن ۔حادثے دا شکار تھیوݨ آلے بدقسمت ہیلی کاپٹر اچ صدر ڈاکٹر سید ابراہیم رئیسی دے رلے وزیر خارجہ حسین امیر عبداللہیان، صوبہ مشرقی آذربائیجان دے گورنر مالک رحمتی ،صدرمملکت دے سکیورٹی دستے دے کمانڈر جنرل سید مہدی موسوی اتے صدر دے ذاتی محافظ موجود ہن ۔ ایران دی سرکاری خبر رساں ایجنسی آئی آر این اے موجب صدر امریکی ساختہ بیل 212 ہیلی کاپٹراچ ہن۔ رائٹرز ھک ایرانی اہلکار دے حوالے نال ݙسائے جو حادثے اچ صدر ابراہیم رئیسی تے وزیر خارجہ حسین امیرعبداللہیان کوں گھن تے ونڄݨ آلا ہیلی کاپٹر مکمل طور تے سڑ ڳیا ہئی۔
