ݙینھ ویلھے گھروں ٻاہر ونجݨ توں گریز، سخت کماں توں پرہیز اتے ایمرجنسی ہیٹ ویو ریسپانس سینٹرزٻݨائے ونجن، وزارت صحت

اسلام آباد۔20مئی (اے پی پی) وزارت صحت ہیٹ سٹروک توں بچݨ کیتے ہدایت ݙیندیں ہوئیں آکھیا جو ݙینھ ویلھے گھروں ٻاہر ونجݨ توں گریز، سخت کماں توں پرہیز اتے ایمرجنسی ہیٹ ویو ریسپانس سینٹرزٻݨائے ونجن۔ سنوار کوں وزارت صحت توں جاری ایڈوائزری موجب ہیٹ سٹروک توں تھیوݨ آلی اموات اتے بیماری ودھ سڳدی اے، ایمرجنسی ہیٹ ویو ریسپانس سینٹرز ٻݨایا ونڄے جیڑھی جو گرمی دی لہر اچ ہفتے دے ست ݙیںھ کھلیے رہسن۔ فوکل پرسن نامزد کیتے ونڄن اتے مرکز اچ متعلقہ عملے دی دستیابی کوں یقینی ٻݨایا ونڄے۔ تیاری بارے صحت دی سہولت دے عملے نال ملاقات کیتی ونڄے۔ سہولت ایمبولینس نال کوآرڈینیشن/ 1122یقینی ٻݨائی ونڄے۔ انہاں آکھیا جو ہیٹ سٹروک دے مریض دے ہنگامی انتظام بارے انچارج میڈیکل آفیسرز دے ذریعے صحت دی سہولتاں دے عملے دی تربیت کیتی ونڄے، صحت دی سہولتاں تے ضروری سامان او آر ایس، ہنگامی زندگی بچاؤ دوائیں اتے سپنچنگ کیتے کاٹن رولز دی دستیابی یقینی ٻݨائی ونڄے۔ ہیٹ سٹروک دی عام طبی خصوصیات اچ ٻہوں ودھ پسینہ آوݨ یا گرم ڳاڑھی یا رُکھی جلد نال پسینہ نہ آوݨ، کمزوری سستی ، سردی لڳݨ، سر درد، جسم دی بلند درجہ حرارت ، وہم، الجھن چکر آوݨ شامل ہن۔ ایڈوائرزی موجب شہریاں کوں ہدایت کیتی ڳئی جو ݙینھ ویلھے ٻاہر ونڄݨ توں گریز، چھاں اچ رہݨ، ٻالاں اتے زناوراں کوں کھڑی ڳاݙیاں اچ نہ چھوڑیا ونڄے، ودھ پاݨی پیتا ونڄے۔