اسلام آباد۔20مئی (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو حکومت ڈیجیٹل میڈیا اتھارٹی ٻݨاوݨ بارے ہک پاسہ قانون سازی دا کوئی ارادہ نی رکھیندی، ایں بارے ساری صحافتی تنظیماں اتے پریس کلباں کوں اعتماد اچ ڳھدا ویسی۔ اے ڳالھ انہاں نیشنل پریس کلب اسلام آباد دے وفد نال ڳالھ مہاڑ کریندیں ہوئیں آکھی۔ وفاقی وزیراطلاعات آکھیا جو صحافیاں کیتے ہیلتھ انشورنس سکیم …
حکومت ڈیجیٹل میڈیا اتھارٹی ٻݨاوݨ بارے ہک پاسہ قانون سازی دا کوئی ارادہ نی رکھیندی، وفاقی وزیر اطلاعات عطاءاللہ تارڑ دی نیشنل پریس کلب اسلام آباد دے وفد نال ڳالھ مہاڑ
اسلام آباد۔20مئی (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو حکومت ڈیجیٹل میڈیا اتھارٹی ٻݨاوݨ بارے ہک پاسہ قانون سازی دا کوئی ارادہ نی رکھیندی، ایں بارے ساری صحافتی تنظیماں اتے پریس کلباں کوں اعتماد اچ ڳھدا ویسی۔ اے ڳالھ انہاں نیشنل پریس کلب اسلام آباد دے وفد نال ڳالھ مہاڑ کریندیں ہوئیں آکھی۔ وفاقی وزیراطلاعات آکھیا جو صحافیاں کیتے ہیلتھ انشورنس سکیم جلدی شروع کیتی ویسی۔ انہاں آکھیا جو نیشنل پریس کلب دی مستقل بلڈنگ ٻݨاوݨ اتے اڄوکی بلڈنگ دی بہتری کیتے ضروری اقدامات کیتے ویسن۔ این پی سی کیتے سالانہ گرانٹ وی یقینی ٻݨائی ویسی۔ وفاقی وزیر آکھیا جو حکومت نیشنل پریس کلب دے مسئلیاں کوں جاݨدی اے۔ انہاں آکھیا جو حکومت پریس کلب کوں مستقل گرانٹ ݙیوݨ دا ارادہ رکھیندی اے۔ وفد اچ صدر اظہر جتوئی، قائم مقام سیکریٹری عون شیرازی، سیکریٹری فنانس وقار عباسی اتے گورننگ باڈی دے اراکین شامل ہن۔ ایں موقع تے پرنسپل انفارمیشن آفیسر مبشر حسن وی موجود ہن۔
