اسلام آباد۔20مئی(اے پی پی):وزیراعظم محمد شہباز شریف ایرانی سفارتخانے دا دورہ کیتے اتے ایرانی سفیر کوں ایرانی صدر ابراہیم رئیسی، ایرانی وزیر خارجہ حسین امیر عبداللہیان دے ہیلی کاپٹر حادثے اچ فوت تھیوݨ تے پرچاوݨی ݙیندے آکھیے جو میکوں اپݨے ٻھرا اسلامی جمہوریہ ایران دے صدر ڈاکٹر سید ابراہیم رئیسی اتے اسلامی جمہوریہ ایران دے وزیر خارجہ حسین امیر عبداللہیان دے ایں حادثے اچ شہادت تے ٻہوں افسوس اے، ایں …
وزیراعظم دا ایرانی سفارتخانے دا دورہ، ایرانی صدر اتے وزیر خارجہ دے ہیلی کاپٹر حادثے اچ فوتڳی تے افسوس
اسلام آباد۔20مئی(اے پی پی):وزیراعظم محمد شہباز شریف ایرانی سفارتخانے دا دورہ کیتے اتے ایرانی سفیر کوں ایرانی صدر ابراہیم رئیسی، ایرانی وزیر خارجہ حسین امیر عبداللہیان دے ہیلی کاپٹر حادثے اچ فوت تھیوݨ تے پرچاوݨی ݙیندے آکھیے جو میکوں اپݨے ٻھرا اسلامی جمہوریہ ایران دے صدر ڈاکٹر سید ابراہیم رئیسی اتے اسلامی جمہوریہ ایران دے وزیر خارجہ حسین امیر عبداللہیان دے ایں حادثے اچ شہادت تے ٻہوں افسوس اے، ایں ݙکھ اچ پاکستان اتے ایندے ععوام ایران دے نال ہین۔ ساݙیاں ہمدردیاں اتے دعائیں شہداء دے ٹٻراں اتے ایرانی عوام نال ہین۔ انہاں آکھیا جو صدر ڈاکٹر سید ابراہیم رئیسی ہک شاندار عالم اتے بصیرت آلے رہنما ہن، پاکستان اڄ ڈاکٹر رئیسی ڄھیاں مخلص اتے اعلیٰ سنڳتی ونڄا ݙتے، انہاں دا اپݨی قوم دے نال نال پاک ایران تعلقات اتے علاقائی تعاون کیتے کردار ہمیش یاد رکھیا ویسی۔ ایرانی سفیر ایں خیر سگالی جذبے تے پاکستان دا شکریہ ادا کیتے۔ وزیر اعظم ایرانی صدر اتے وزیر خارجہ کیتے ایرانی سفارتخانے دی وزیٹر بک اچ پرچاوݨی وی لکھی۔
