زرعی صارفین، حکومت پاکستان اتے حکومت بلوچستان دے ذمے بجلی دے 641 ارب روپے واجب الادا ہن، سردار اویس احمد خان لغاری

اسلام آباد۔24مئی (اے پی پی) وفاقی وزیربجلی ( پاور ڈویژن) سردار اویس احمد خان لغاری آکھیا جو زرعی صارفین، حکومت پاکستان اتے حکومت بلوچستان دے ذمے بجلی دے 641 ارب روپے واجب الادا ہن، وفاقی حکومت بلوچستان اچ زرعی ٹیوب ویلاں کوں شمسی توانائی تے کرݨ کیتے آپݨا حصہ ݙیوݨ کیتے تیار اے۔ بلوچستان حکومت ایندا طریقہ کار ٻݨاوے، بلوچستان اچ غیرقانونی ٹرانسفارمر کوں ختم کراوݨ اچ سینیٹرز اتے ایم این ایز مدد کرن۔ چووی گھنٹے بجلی دی فراہمی یقینی ٻݨیسوں۔ جمعے کوں سینیٹ اجلاس اچ سینیٹر دنیش کمار دے توجہ دلاؤ نوٹس دے جواب اچ انہاں آکھیا جو بلوچستان اچ ڳھٹ توں ڳھٹ 27437 ٹیوب ویل 404 فیڈرز تے چلدے پئن، ایندے علاوہ ݙاہ توں 12 ہزار غیر قانونی ٹرانسفارمرز چلدے پئن اتے اے 404 فیڈرز 96 فیصد نقصان تے چلدے پئن۔