پاکستان سی پیک دے ݙوجھے مرحلے کوں اپ گریڈ کرݨ کیتے چین دے وژن دی تعریف کریندے، احسن اقبال

اسلام آباد۔24مئی (اے پی پی) وفاقی وزیر منصوبہ بندی، ترقی اتے خصوصی اقدامات احسن اقبال آکھیا جو پاکستان سی پیک دے ݙوجھے مرحلے کوں اپ گریڈ کرݨ کیتے چین دے وژن دی تعریف کریندے، سی پیک ایں خطے اچ چین دے بیلٹ اینڈ روڈ منصوبے دا اہم حصہ اے،پچھلے 10 سالیں دے پندھ اساکوں مسلسل کوششاں دی اہمیت اتے خدشات کوں فعال طور حل کرݨ دی صلاحیت سکھائی اے ۔ اے ڳالھیں انہاں جمعے کوں وزارت منصوبہ بندی اچ چین پاکستان اقتصادی راہداری دی سانجھی تعاون کمیٹی دے 13 ویں اجلاس توں خطاب کریندیں ہوئیں آکھی۔ اجلاس اچ وفاقی وزیر منصوبہ بندی، ترقی اتے خصوصی اقدامات احسن اقبال اتے وائس چیئرمین نیشنل ڈویلپمنٹ اینڈ ریفارم کمیشن مسٹر لی چونلِن دی سانجھی صدارت اچ 13ویں جوائنٹ کوآپریشن کمیٹی (جے سی سی) دا اجلاس تھیا۔اجلاس اچ وفاقی وزیر برائے نجکاری علیم خان، وزیر مواصلات، وفاقی وزیر انفارمیشن ٹیکنالوجی، سیکرٹری پلاننگ اویس منظور سمرا، سیکرٹری توانائی، سیکرٹری مواصلات، سیکرٹری بورڈ آف انویسٹمنٹ اتے وفاقی و صوبائی وزارتاں دے اعلی حکام شریک تھیے۔ چین ولوں اجلاس دی صدارت وائس چیئرمین نیشنل ڈویلپمنٹ اینڈ ریفارم کمیشن کریندے پئے ہن۔ جے سی سی دے شرکاء کوں سی پیک دی پیشرفت تے دستاویزی فلم ݙکھائی ڳئی۔ دساویزی فلم دے ذریعے سی پیک دے ݙاہ سال پورے تھیوݨدا جشن منایا ڳئیا۔ اجلاس اچ سی پیک طویل المدتی منصوبہ، توانائی، مواصلات، گوادر ورکنگ گروپ، صنعتی، سماجی و معاشی، بین الاقوامی تعاون اتے رابطہ، سائنس اینڈ ٹیکنالوجی اتے انفارمیشن ٹیکنالوجی بارے ورکنگ گروپاں اچ تھیوݨ آلی پیش رفت کوں اجاگر کیتا ویسی۔