اسلام آباد۔24مئی (اے پی پی):پاکستان آئرلینڈ، سپین اتے ناروے دی طرفوں فلسطین دی ریاست کوں منݨ دے اعلان خیرمقدم کیتے ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اساں بہاماس، ٹرینیڈاڈ اتے ٹوباگو، جمیکا اتے بارباڈوس دی طرفوں فلسطین کوں منݨ دے اڄوکے اعلان دا خیر مقدم کریندوں ۔ اے اڄوکے اعلان فلسطینی عوام دی انھاں دے ناقابل تنسیخ حق خود ارادیت سانڳے ݙھاکیں توں جاری …
پاکستان دا آئرلینڈ، سپین اتے ناروے دی طرفوں فلسطین دی ریاست کوں منݨ دے اعلان دا خیر مقدم
اسلام آباد۔24مئی (اے پی پی):پاکستان آئرلینڈ، سپین اتے ناروے دی طرفوں فلسطین دی ریاست کوں منݨ دے اعلان خیرمقدم کیتے ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اساں بہاماس، ٹرینیڈاڈ اتے ٹوباگو، جمیکا اتے بارباڈوس دی طرفوں فلسطین کوں منݨ دے اڄوکے اعلان دا خیر مقدم کریندوں ۔ اے اڄوکے اعلان فلسطینی عوام دی انھاں دے ناقابل تنسیخ حق خود ارادیت سانڳے ݙھاکیں توں جاری جدوجہد اچ ھک ٻیا سنگ میل ہن ۔ انہاں آکھیے غزہ دی نسل کشی اتے اتھاں دی سنگین انسانی صورتحال ھک آزاد اتے خودمختار فلسطینی ریاست دے قیام دے پاسے ودھݨ دی لوڑھ تے زور ݙتے جیں دا دارالحکومت القدس الشریف ہووے۔ ترجمان آکھیے ریاست فلسطین کوں ہݨ اقوام متحدہ دے رکن ملکاں دی باری اکثریت من ڳھدے ، لہٰذا ہݨ ویلھا آڳئے جو فلسطین کوں اقوام متحدہ اتے ٻئے بین الاقوامی تنظیماں اچ مکمل رکنیت ݙتی ونڄے جیویں جو اقوام متحدہ دی جنرل اسمبلی اڄوکی قرارداد اچ مطالبہ کیتا ہئی ۔ انہاں آکھیے اساں اقوام متحدہ دی سلامتی کونسل توں انہاں ودھدے ہوئے بین الاقوامی جذبات دا مثبت جواب ݙیوݨ سانڳے آپݨے مطالبے دا اعادہ کریندن ۔
