اسلام آباد۔24مئی (اے پی پی):وفاقی وزیر تجارت جام کمال خان آکھیے جو وزیراعظم شہباز شریف دا متحدہ عرب امارات دا دورہ ٻہوں کامیاب رہیا ، ٻاہرلیاں کمپنیاں دی پاکستان اچ سرمایہ کاری دی حوصلہ افزائی کیتی ویندی پئی اے ، پاکستان دی تاریخ اچ پہلی واری کہیں وزیر اعظم کوں ٻاہرلے ملک اتنی پزیرائی ملی اے اتے ٻاہرلے سرمایہ کاراں اپݨے اعتماد دا اظہار کیتے ۔ اے ڳالھ وفاقی وزیر …
وزیر اعظم شہباز شریف دا متحدہ عرب امارات دا دورہ ٻہوں کامیاب رہیا، ٻاہرلیاں کمپنیاں دی پاکستان اچ سرمایہ کاری دی حوصلہ افزائی کیتی ویندی پئی اے ، جام کمال
اسلام آباد۔24مئی (اے پی پی):وفاقی وزیر تجارت جام کمال خان آکھیے جو وزیراعظم شہباز شریف دا متحدہ عرب امارات دا دورہ ٻہوں کامیاب رہیا ، ٻاہرلیاں کمپنیاں دی پاکستان اچ سرمایہ کاری دی حوصلہ افزائی کیتی ویندی پئی اے ، پاکستان دی تاریخ اچ پہلی واری کہیں وزیر اعظم کوں ٻاہرلے ملک اتنی پزیرائی ملی اے اتے ٻاہرلے سرمایہ کاراں اپݨے اعتماد دا اظہار کیتے ۔ اے ڳالھ وفاقی وزیر تجارت جام کمال خان وفاقی وزیر اطلاعات و نشریات عطا تارڑ دے رلے مشترکہ نیوز کانفرنس اچ آکھی اے ۔ ایں موقع تے وفاقی وزیر تجارت جام کمال خان آکھیے حکومت معاشی بہتری سانڳے کم کریندی پئی اے ۔انہاں آکھیے وزیر اعظم ہر شعبے دی بہتری سانڳے ٹاسک ݙتے ۔ وزیر اعظم خلیجی ملکاں دے کامیاب دورے کیتے تے متحدہ عرب امارات دا دورہ انتہائی کامیاب رہیا۔ انہاں آکھیے متحدہ عرب امارات دی طرفوں 10ارب ڈالر دی سرمایہ کاری دا اعلان وزیر اعظم شہباز شریف تے انہاں تے اعتماد دا مظہر اے ۔ جام کمال آکھیے اساں متحدہ عرب امارات دے صدر اتے ٻئی قیادت دا شکریہ ادا کریندوں انہاں پاکستان اچ اتنی وݙی سرمایہ کاری دا اعلان کیتے ۔ متحدہ عرب امارات پاکستان کوں معاشی طور تے اڳوں گھن ونڄݨ چاہندے ۔ انہاں آکھیے وزیر اعظم پاکستان ہر شعبے اچ موجود مسئلیں دی نشاندہی کرتے انھاں کوں حل کرݨ دا ٹاسک ݙتے ۔ انہاں آکھیے توانائی بحران ، قیمتاں دے تعین اتے ایف بی آر دے اہداف تے اقدامات کیتے ڳئن ۔ انہاں آکھیے صرف ݙو مہینے اچ مسئلیں دا حل کڈھݨ تے سرمایہ کاراں دا اعتماد بحال کرݨ صرف وزیر اعظم دی ذاتی دلچسپی پاروں ممکن تھئے ۔
