آندے 24 گھنٹے اچ ملک دے میدانی علاقے ودھ ساری گرمی دی وٹھ اچ رہسن ، محکمہ موسمیات

اسلام آباد۔25مئی (اے پی پی):محکمہ موسمیات موجب آندے 24 گھنٹے ملک دے ٻہوں سارے میدانی علاقے ودھ گرمی دی وٹھ اچ رہسن ݙوپہریں دے بعد مٹی آلی ہوااندھاری تے جھکڑ چلݨ دا امکان اے ۔ جݙاں جو گلگت بلتستان اچ مطلع جڑ آلا رہݨ دے علاوہ ہوا اتے کھمݨ ڳاجاں نال مینھ وس سڳدے ۔گزریل 24 گھنٹے اچ ملک دے ٻہوں سارے علاقے گرمی دی وٹھ اچ رہیے جݙاں جو کشمیر، اتلے خیبر پختونخوااتے شمالی پنجاب اچ ہوا گھلی ، اندھاری تے جھکڑچلݨ دے علاوہ کجھ جہیں تے مینھ وٹھے ۔ ساریں توں ودھ مینھ کشمیر اچ کوٹلی 05، خیبرپختونخوا اچ پٹن 04، مالم جبہ 03، چترال، کالام 01، سیالکوٹ (سٹی 03، ایئرپورٹ 01)، گجرات، نارووال 03، مری، ٹوبہ ٹیک سنگھ 02 اتے فیصل آباد اچ 01ملی میٹر مینھ ریکارڈ کیتا ڳئے ۔ محکمہ موسمیات چتاوݨی ݙتی اے جو اڄوکے ہفتے ملک دے ٻہوں سارے میدانی علاقے ودھ دی گرمی دی وٹھ اچ رہسن ۔ ہفتے دے ݙینھ ریکارڈ کیتے ڳئے ودھ توں ودھ درجہ حرارت اچ دادو، موہنجوداڑو 50، جیکب آباد 49، شہید بینظیر آباد، پڈعیدن، سبی، لاڑکانہ، روہڑی، سکھر، تربت 48، بہاولپور، خیرپوراتے سکرنڈ اچ 47 ڈگری سینٹی ریکارڈ کیتا ڳئے۔