اسلام آباد۔25مئی (اے پی پی):وزیر اعظم محمد شہباز شریف آکھیے پاکستان دی ترقی تے خوشحالی اچ اڄ سرمایہ کاری سہولت کونسل( ایس آئی ایف سی) کلیدی کردار نبھیندی پئی اے۔ ۔پاکستان وسائل توں مالامال ملک اے،جے ساری مشکلات دے باوجود پاکستان ایٹمی طاقت بݨ سڳدے تاں ملک دی ترقی تے خوشحالی وی ناممکن کائنی چارے صوبیں تے وفاق رل تے پاکستان دی ترقی تے خوشحالی سانڳے محنت کرݨی اے۔او خصوصی …
پاکستان دی ترقی تے خوشحالی اچ اڄ سرمایہ کاری سہولت کونسل کلیدی کردار نبھیندی پئی اے ،وزیر اعظم محمد شہباز شریف
اسلام آباد۔25مئی (اے پی پی):وزیر اعظم محمد شہباز شریف آکھیے پاکستان دی ترقی تے خوشحالی اچ اڄ سرمایہ کاری سہولت کونسل( ایس آئی ایف سی) کلیدی کردار نبھیندی پئی اے۔ ۔پاکستان وسائل توں مالامال ملک اے،جے ساری مشکلات دے باوجود پاکستان ایٹمی طاقت بݨ سڳدے تاں ملک دی ترقی تے خوشحالی وی ناممکن کائنی چارے صوبیں تے وفاق رل تے پاکستان دی ترقی تے خوشحالی سانڳے محنت کرݨی اے۔او خصوصی سرمایہ کاری سہولت کونسل دے اجلاس توں خطاب کریندے پئے ہن ۔اجلاس اچ چیف آف آرمی سٹاف جنرل سید عاصم منیر، صوبائی وزراءاعلی اتے کونسل دے ممبران وی شرکت کیتی۔اجلاس توں خطاب کریندے ہوئیں وزیر اعظم آکھیے کونسل دے اجلاس اچ اساں اہم امور تے ڳالھ مہاڑ کیتی ۔سرمایہ کاری سہولت کونسل اچ سول و فوجی افسران رل تے ھک متحدہ ٹیم وانڳوں شبانہ روز محنت کریندے پئن ۔اڄوکے ݙینھاں سعودی عرب،متحدہ عرب امارات دے دورے سودھے ٻئے ملکاں دے وفد نال ملاقاتاں تھئن جیں اچ خوشی تھئی اے جو ایںدے اچ سرمایہ کاری سہولت کونسل دے حوالے نال اعتماد تے یقین دا اظہار کیتا ڳئے ۔ انہاں آکھیے ایس آئی ایف سی دا وجود 2022 اچ عمل اچ گھن آیا ڳیا تاں اوں ویلھے ایں حوالے نال خدشات ظاہر کیتے ویندے پئے ہن جݙاں جو ویلھے دے نال نال ایندی افادیت،کارکردگی اتے کامیابیاں ناقدین دے منہ بند کرݙتن ۔انہاں آکھیے میں ایں کونسل دی تشکیل دی مکمل تائید کیتی ہئی ، پاکستان دی ترقی اتے خوشحالی اچ اڄ ایس آئی ایف سی کلیدی کردار ادا کریندی پئی اے ۔ صوبائی قیادت دے مشکور ہیسے جو سارے ایں کونسل تے چنڳاں اعتماد کریندن ۔
