پشاور۔ 30 مئی (اے پی پی):وزیرِ اعظم محمد شہباز شریف نال گورنر خیبر پختونخوا فیصل کریم کنڈی وزیراعظم ہاؤس اسلام آباد اچ ملاقات کیتی تے صوبہ خیبر پختونخوا دے امور اتے ملکی سیاسی صورتحال تے ڳالھ مہاڑ کیتی ۔گورنر حکومت دی کاروبار و سرمایہ کار دوست پالیسیاں دی بدولت ملک اچ ودھدی ٻاہرلی سرمایہ کاری تے وزیرِ اعظم کوں خراجِ تحسین پیش کیتے۔ ملاقات اچ خیبر پختونخوا دے مسئلیں تے …
وزیرِ اعظم محمد شہباز شریف نال گورنر خیبر پختونخوا فیصل کریم کنڈی دی ملاقات
پشاور۔ 30 مئی (اے پی پی):وزیرِ اعظم محمد شہباز شریف نال گورنر خیبر پختونخوا فیصل کریم کنڈی وزیراعظم ہاؤس اسلام آباد اچ ملاقات کیتی تے صوبہ خیبر پختونخوا دے امور اتے ملکی سیاسی صورتحال تے ڳالھ مہاڑ کیتی ۔گورنر حکومت دی کاروبار و سرمایہ کار دوست پالیسیاں دی بدولت ملک اچ ودھدی ٻاہرلی سرمایہ کاری تے وزیرِ اعظم کوں خراجِ تحسین پیش کیتے۔ ملاقات اچ خیبر پختونخوا دے مسئلیں تے انہاں دے حل تے ڳالھ مہاڑ تھئی ۔ملاقات اچ وفاقی وزیرِ اقتصادی امور احد خان چیمہ اتے وزیرِ اعظم دے مشیر سیاسی امور رانا ثناء اللہ وی شریک ہن ۔ ملاقات دے بعد وزیراعظم ہاؤس دے ٻاہروں میڈیا نال ڳالھ مہاڑ کریندے ہوئیں گورنرفیصل کریم کنڈی آکھیے خیبر پختونخوا دے مسئلیں تے وزیرِ اعظم نال ڳالھ کیتی اے ۔ وزیرِ اعظم شہباز شریف نال صوبے اچ گیس اتے بجلی دی لوڈشیڈنگ دے مسئلے تے وی ڳالھ تھئی اے وزیراعظم کوں آکھیے جو لوڈشیڈنگ دا دورانیہ مزید گھٹایا ونڄے۔ ،میڈیا نال ڳالھ مہاڑ اچ گورنر آکھیے وزیراعظم نال سرکاری ملازمین دیاں تنخواہواں 25 فیصد ودھاوݨ دی تجویز ݙتی اے جیں تے وزیراعظم یقین ݙیوائے ۔ انہاں صوبائی حکومت کوں آکھیے جو وفاقی حکومت دی طرز تے صوبائی ملازمین دیاں تنخواہواں اچ ودھارا کیتا ونڄے۔
