اسلام آباد۔30مئی(اے پی پی):وفاقی وزیر فوڈ سکیورٹی رانا تنویر حسین آکھیے جو خریف اچ یوریا دی فراہمی ترجیح اے، کاشتکاراں دے مفاد دا تحفظ کریسوں، بلیک مارکیٹنگ اچ ملوث ڈیلرز اتے ڈسٹری بیوٹرز نال سختی نال نمٹیا ویسی۔ او اسلام آباد اچ فرٹیلائزر دی سپلائی چین اتے قیمتوں بارے اقدامات دا جائزہ ڳھنݨ کیتے اجلاس دی اڳواݨی کریندے پئے ہن۔ اجلاس اچ وفاقی وزیر پاور ڈویژن سردار اویس لغاری، وفاقی …
خریف اچ یوریا دی فراہمی ترجیح اے، کاشتکاراں دے مفاد دا تحفظ کریسوں، وفاقی وزیر رانا تنویر حسین
اسلام آباد۔30مئی(اے پی پی):وفاقی وزیر فوڈ سکیورٹی رانا تنویر حسین آکھیے جو خریف اچ یوریا دی فراہمی ترجیح اے، کاشتکاراں دے مفاد دا تحفظ کریسوں، بلیک مارکیٹنگ اچ ملوث ڈیلرز اتے ڈسٹری بیوٹرز نال سختی نال نمٹیا ویسی۔ او اسلام آباد اچ فرٹیلائزر دی سپلائی چین اتے قیمتوں بارے اقدامات دا جائزہ ڳھنݨ کیتے اجلاس دی اڳواݨی کریندے پئے ہن۔ اجلاس اچ وفاقی وزیر پاور ڈویژن سردار اویس لغاری، وفاقی وزیر توانائی پٹرولیم ڈویژن مصدق ملک اتے اراکین قومی اسمبلی سید خورشید شاہ، معین وٹو، اظہر خان لغاری، فتح اللہ خان، نوابزادہ میر جمال خان رئیسانی سودھا وفاقی سیکرٹری فوڈ سکیورٹی محمد فخر عالم اتے وفاقی سیکرٹری انڈسٹری وسیم اجمل چوہدری شرکت کیتی۔ وفاقی وزیر رانا تنویر حسین آکھیے جو خریف سیزن اچ یوریا دا ہدف پورا کرݨ کیتے ݙولکھ میٹرک ٹن درآمد کیتی ویندی پئی اے، فرٹیلائزر دی سمگلنگ ہر صورت روکی ویسی۔ انہاں آکھیا جو ساریاں کھاد کمپنیاں اتے ڈیلرز ہکو ڄھیں قیمت تے یوریا فراہمی اتے بلک مارکیٹنگ روکݨ یقینی ٻݨائی ویسی۔
