اسلام آباد۔6جولائی(اے پی پی)وزیراعظم محمد شہباز شریف پٹرولیم اتے گیس ڳولݨ و پیدواری شعبے دے مسلیاں دے حل کیتے کمیٹی ٻݨیدے ہوئے انہاں کوں آف شور ذخائر ڳولݨ دی دوعت ݙتی اے ڄݙاں جو مختلف کمپنیاں پاکستان اچ تیل و گیس دے شعبے اچ آندے 3 سالاں اچ 5 ارب ڈالر سرمایہ کاری کرݨ دا اعلان کیتے۔ اے اڳونہی وزیرِ اعظم محمد شہباز شریف نال پیٹرولیم اتے گیس دے شعبے …
مختلف کمپنیاں دا آندے 3 سال پاکستان اچ 5 ارب ڈالر سرمایہ کاری دا اعلان، وزیراعظم پٹرولیم اتے گیس ڳولݨ و پیدواری شعبے دے مسلیاں دے حل کیتے کمیٹی ٻݨا ݙتی
مزید خبراں
اسلام آباد۔6جولائی(اے پی پی)وزیراعظم محمد شہباز شریف پٹرولیم اتے گیس ڳولݨ و پیدواری شعبے دے مسلیاں دے حل کیتے کمیٹی ٻݨیدے ہوئے انہاں کوں آف شور ذخائر ڳولݨ دی دوعت ݙتی اے ڄݙاں جو مختلف کمپنیاں پاکستان اچ تیل و گیس دے شعبے اچ آندے 3 سالاں اچ 5 ارب ڈالر سرمایہ کاری کرݨ دا اعلان کیتے۔ اے اڳونہی وزیرِ اعظم محمد شہباز شریف نال پیٹرولیم اتے گیس دے شعبے دی تلاش و پیداواری کمپنیاں دے وفد ملیے۔ انہاں ملکی و غیر ملکی کمپنیاں دے نمائندگان دے نال نال نائب وزیرِ اعظم و وزیرِ خارجہ اسحاق ڈار، وفاقی وزرا احد خان چیمہ، محمد اورنگزیب، سید محسن رضا نقوی، انجینئر امیر مقام، احسن اقبال، سردار اویس خان لغاری، گورنر اسٹیٹ بنک جمیل احمد، ڈپٹی چیئرمین پلاننگ کمیشن جہانزیب خان، وزیرِ اعظم دے کوارڈینیٹر رانا احسان افضل، چیئرمین ایف بی آر امجد زبیر ٹوانہ اتے متعلقہ اعلی حکام شرکت کیتی۔ ملکی و غیر ملکی پیٹرولیم اتے گیس ڳولݨ و پیداواری شعبے دے وف وزیرِ اعظم محمد شہباز شریف دی اڳوآݨی تے اعتامد کریندے آندے 3 سال ایں شعبے اچ 5 ارب ڈالر سرمایہ کاری کرݨ دا اعلان کیتے۔ وفد پیٹرولیم اتے گیس ڳولݨ اتے پیداواری شعبے کوں مشاورتی عمل اچ رلاوݨ، مسلے سݨݨ تے حل کرݙھݨ تے شکریہ ادا کیتے۔ وزیرِ اعظم آکھیا جو پاکستان اچ مقامی سطح تے تیل اتے گیس دے ذخائر ڳولݨ تے ودھ توجہ اے، مقامی ذخائر نال پیداوار توں پاکستان دا قیمتی زرمبادلہ بچسی اتے عام لوکاں کیتے ایندھن اتے گیس سستے تھیسن۔ انہاں متعلقہ حکام کوں شعبے دے مسلے تیکھے حل کرݨ دی ہدایت کیتی اتے ایں سانڳے نائب وزیرِ اعظم اسحاق ڈار دی اڳواݨی اچ کمیٹی ٻݨا ݙتی جیندے اچ متعلقہ حکام، سیکرٹریز اتے ماہرین شامل ہوسن۔ کمیٹی شعبے دے نمائنداں نال مشاورت دے بعد ملک اچ پیٹرولیم و گیس دے ذخائر دی تلاش و ترقی کیتے پرکشش پالیسی ٻݨاوݨ کیتے تجاویز ݙیسی۔ ݙسایا ڳیا جو 5 ارب ڈالر دی سرمایہ کاری نال ملک دی تیل و گیس دی مقامی پیداوار ودھسی، ایں ویلھے پاکستان اچ مقامی طور تے پیٹرولیم دی ݙیہاڑی پیداوار 70998 بیرل ڄݙاں جو 3131 ایم ایم ایس سی ایف ڈی گیس پیدا کیتی ویندی پئی اے۔ گورنر سٹیٹ بنک بریفنگ ݙتی جو وزیرِ اعظم دی خصوصی ہدایت تے تیل و گیس دی تلاش و پیداواری کمپنیاں دے منافع دی مد اچ سارے ترسیلات زر انہان دے ملکاں کوں ٻھڄوائے ونڄ چکین۔ وزیرِ اعظم متعلقہ حکام کوں شعبے دے سارے مسلے حل کرݨ اتے ٻݨائی ڳئی کمیٹی کوں پالیسی تجاویز تیکھے پیش کرݨ دی دہایت کیتی۔(
