اسلام آباد۔15 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار پشاور اچ نجی سکول دی چھت ݙہݨ دے نتیجے اچ قیمتی جانیاں دے ضیان تے ݙکھ تے افسوس دا اظہار کریندیں ہوئیں آکھیا جو ایں المناک سانحے پوری قوم کوں غمزدہ کر ݙتے، اساݙے ٻال اساݙا سب توں قیمتی سرمایہ ہن تے ایں طرح دا جانی ضیان پورے ملک کیتے ہک وݙا سانحہ اے۔ خمیس …
نائب وزیراعظم اسحاق ڈار دا پشاور اچ سکول دی چھت ݙہݨ نال قیمتی جانیاں دے ضیان تے افسوس
اسلام آباد۔15 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار پشاور اچ نجی سکول دی چھت ݙہݨ دے نتیجے اچ قیمتی جانیاں دے ضیان تے ݙکھ تے افسوس دا اظہار کریندیں ہوئیں آکھیا جو ایں المناک سانحے پوری قوم کوں غمزدہ کر ݙتے، اساݙے ٻال اساݙا سب توں قیمتی سرمایہ ہن تے ایں طرح دا جانی ضیان پورے ملک کیتے ہک وݙا سانحہ اے۔ خمیس کوں سماجی رابطے دے پلیٹ فارم “ایکس” تے آپݨی پوسٹ اچ نائب وزیراعظم جاں بحق افراد دے اہل خانہ نال دلی تعزیت تے ہمدردی دا اظہار کریندے ہوئیں دعا کیتی جو اللہ تعالیٰ مرحومین کوں جنت الفردوس اچ اعلیٰ مقام عطا فرماوے اتے سوگوار خانداناں کوں صبرِ جمیل تے ایں ناقابلِ تلافی نقصان کوں برداشت کرݨ دی ہمت عطا کرے۔ سینیٹر اسحاق ڈار آکھیا جو وزیراعظم شہباز شریف تے حکومت ایں صورتحال دا سنجیدگی نال نوٹس گھدے، ٻالاں دی حفاظت تے سلامتی کوں ہر صورت اولین ترجیح رہݨا چاہیدے۔ انہاں زور ݙتا جو متاثرہ افراد کوں فوری امداد فراہم کرݨ، زخمیاں کوں بہترین ممکنہ طبی سہولیات دی فراہمی یقینی بݨاوݨ تے سکولاں اچ حفاظتی معیار بہتر بݨاوݨ کیتے تمام ضروری اقدامات کیتے ون٘ڄن تانجو ایجھے المناک واقعیاں دے ولا رونما تھیوݨ توں بچیا ون٘ڄ سڳے۔
