آذربائیجان دے صدر الہام علیوف 11 توں 12 جولائی تئیں پاکستان دا سرکاری دورہ کریسن، ترجمان دفتر خارجہ

اسلام آباد۔9جولائی(اے پی پی) وزیراعظم محمد شہباز شریف دی دعوت تےجمہوریہ آذربائیجان دے صدر الہام علیوف 11 توں12 جولائی تئیں پاکستان دا سرکاری دورہ کریسن ۔ ترجمان دفتر خارجہ توں جاری بیان موجب مطابق دورے اچ صدر الہام علیوف صدر مملکت آصف علی زرداری اتے وزیراعظم محمد شہباز شریف نال ملاقاں کریسن ۔ بیان اچ مزید آکھیاڳئے فریقین  ݙو پاسے تعاون ودھاوݨ کیتے سانجھی دلچسپی دے شعبیں اچ وݙے پیمانے تے ڳالھ مہاڑ کریسن۔ توقع اے دورے تے کئی معاہدیں تے مفاہمت دی یادداشتاں تے دستخط وی تھیسن۔ بیان موجب آذربائیجان دے صدر دا دورہ ݙوہیں ملکاں وچال تکڑے تعاون اتے قیادت دی سطح تے ڳالھ مہاڑدی عکاسی کریندے