اسلام آباد۔14 اکتوبر(اے پی پی)صدرِ مملکت آصف علی زرداری پاکستان دی ترکیہ اچ نامزد سفیر آمنہ بلوچ نال ایوان صدر اسلام آباد اچ ملݨ ویلھے آکھی۔ صدرِ مملکت انہاں کوں نویں تعیناتی تے مبارک ݙیندے پاکستان دی سیکرٹری خارجہ دے طور تے کامیاب مدت کوں سراہیا اتے آکھیا جو پاکستان ترکیہ نال اپݨے دیرینہ تعلقات کوں ݙاݙھی اہمیت ݙیندے جیڑھے جو مشترکہ اقدار، ثقافتی رشتیاں اتے امن و خوشحالی دیاں …
صدرِ مملکت آصف علی زرداری نال پاکستان دی ترکیہ اچ نامزد سفیر آمنہ بلوچ دی ملاقات
اسلام آباد۔14 اکتوبر(اے پی پی)صدرِ مملکت آصف علی زرداری پاکستان دی ترکیہ اچ نامزد سفیر آمنہ بلوچ نال ایوان صدر اسلام آباد اچ ملݨ ویلھے آکھی۔ صدرِ مملکت انہاں کوں نویں تعیناتی تے مبارک ݙیندے پاکستان دی سیکرٹری خارجہ دے طور تے کامیاب مدت کوں سراہیا اتے آکھیا جو پاکستان ترکیہ نال اپݨے دیرینہ تعلقات کوں ݙاݙھی اہمیت ݙیندے جیڑھے جو مشترکہ اقدار، ثقافتی رشتیاں اتے امن و خوشحالی دیاں باہمی خواہشاں تے کھڑن۔ انہاں توانائی، زراعت، لائیو سٹاک، کان کنی، شپ بریکنگ، انفارمیشن ٹیکنالوجی، دفاعی صنعتاں تے خصوصی اقتصادی زونز اچ تعاون کوں مضبوط بݨاوݨ تے زور ݙتا۔ صدرِ مملکت نامزد سفیر کوں آکھیا جو او ترکیہ اچ مقیم پاکستانی کمیونٹی، طلبہ تے تجارتی افراد نال قریبی رابطہ رکھن اتے ضرورت پووݨ تے مؤثر قونصلر رسائی اتے ویلھے سر معاونت یقینی ٻݨاون۔ انہاں ترک صدر رجب طیب اردوان کیتے نیک خواہشات دا سنیہا وی ݙتا۔
