سپیکرتے ڈپٹی سپیکر قومی اسمبلی دا جنوبی وزیرستان اچ سکیورٹی فورسز دے ترائے نینگراں دی شہادت تے تعزیت

اسلام آباد۔10جولائی  (اے پی پی) سپیکر قومی اسمبلی سردار ایاز صادق جنوبی وزیرستان اچ دہشتگرداں دے خلاف آپریشن اچ فائرنگ دے تبادلے اچ سکیورٹی فورسز دے ترائے جواناں دی قیمتی جاناں دے ضیان تے ݙکھ تے افسوس کیتے۔ قومی اسمبلی سیکرٹریٹ توں جاری بیان موجب سپیکر سپاہی اسد اللہ، سپاہی محمد سفیان اتے زین علی کوں دہشتگرداں دا بہادری نال مقابلہ کریندیں ہوئیں شہید تھیوݨ تے خراج عقیدت پیش کیتا۔ انہاں اللہ تعالیٰ توں شہیداں دی درجات دی بلندی اتے لواحقین کیتے صبر دی دعا کیتی۔ ڈپٹی  سپیکر قومی اسمبلی سید میر غلام مصطفیٰ شاہ وی جنوبی وزیرستان اچ سکیورٹی فورسز دے ترائے جواناں دے شہادت تے ݙکھ تے افسوس کیتا۔ ڈپٹی سپیکر اللہ تعالیٰ توں شہیداں دی درجات دی بلندی اتے لواحقین کیتے صبر دی دعا کیتی۔