چینی شہریاں دی حفاظت تے کوئی وسلائی برداشت نہ کیتی ویسی، وفاقی وزیر داخلہ محسن نقوی

اسلام آباد۔10جولائی  (اے پی پی) وفاقی وزیر داخلہ محسن نقوی آکھیا جو چینی شہریاں دی حفاظت تے کوئی وسلائی برداشت نہ کیتی ویسی۔ متعلقہ ادارے آپسی تعاون نال نویں ایس او پیز تے سو فیصد عمل کراون۔ اے ڳالھیں انہاں بدھ کوں چینی شہریاں دی سکیورٹی بارے کور کمیٹی دے اجلاس توں خطاب کریندیں ہوئیں آکھی۔ اجلاس اچ   وفاقی سیکرٹری داخلہ، سیکرٹری دفاع، انچارج نیشنل کورآرڈینیٹر نیکٹا، کورآرڈینیٹر نیشنل ایکشن پلان اتے قانون نافذ کرݨ آلے اداریاں دے اعلیٰ حکام شریک تھیے جڈانجو سارے صوبیاں ، آزاد کشمیر اتے گلگت بلتستان دے چیف سیکرٹریز، آئی جیز پولیس اتے سیکرٹریز داخلہ وڈیو لنک توں اجلاس اچ شریک تھیے۔ اجلاس اچ ملک اچ چینی شہریاں دی سکیورٹی دا تفصیلی جائزہ ڳھدا ڳئیا۔ اجلاس توں خطاب کریندیں ہوئیں وزیرداخلہ آکھیا جو چینی شہریاں دی حفاظت تے کوئی وسلائی برداشت نہ کیتی ویسی۔ چیف سیکرٹریز تے آئی جیز پولیس اجلاس کوں چینی شہریاں دی حفاظت بارے کیتے ڳئے اقدامات دا ݙسیا۔