اسلام آباد۔11جولائی(اے پی پی) پاکستان غزہ دے چار سکولاں تے اسرائیلی قابض فوج دے اندھا دھند حملیں دی شدید مذمت کریندے آکھیے حملے غزہ دے لوکاں دے خلاف اسرائیل دی نسل کشی دی مہم دا ھک ٻیا ثبوت ہن۔ ترجمان دفتر خارجہ ممتاز زہرہ بلوچ پریس بریفنگ اچ آکھیے انہاں حملیں دے نتیجے اچ اتھاں پناہ گھنݨ آلی درجناں تریمتاں تےٻالاں دا قتل عام تھیا۔ترجمان آکھیے شہری آبادیاں تے …
غزہ دے چار سکولاں تے حملے اسرائیلی نسل کشی دی مہم دا ھک ٻیا ثبوت اے، ترجمان دفتر خارجہ
مزید خبراں
اسلام آباد۔11جولائی(اے پی پی) پاکستان غزہ دے چار سکولاں تے اسرائیلی قابض فوج دے اندھا دھند حملیں دی شدید مذمت کریندے آکھیے حملے غزہ دے لوکاں دے خلاف اسرائیل دی نسل کشی دی مہم دا ھک ٻیا ثبوت ہن۔ ترجمان دفتر خارجہ ممتاز زہرہ بلوچ پریس بریفنگ اچ آکھیے انہاں حملیں دے نتیجے اچ اتھاں پناہ گھنݨ آلی درجناں تریمتاں تےٻالاں دا قتل عام تھیا۔ترجمان آکھیے شہری آبادیاں تے سہولتاں کوں اندھا دھند نشانہ بݨاوݨ بین الاقوامی قوانین دی سنگین خلاف ورزی اے تے جنگی جرائم دا حصہ اے۔ اپݨے تازہ ترین اقدامات توں اسرائیلی قابض فوج ھک واری ول بین الاقوامی قانون اتے شائستگی دے بنیادی اصولاں تے قابل قبول بین الاقوامی طرز عمل دی توہین دا مظاہرہ کیتے ۔ انہاں آکھیے بین الاقوامی انسانی قانون دی انھاں صریح خلاف ورزیاں کوں نواں معمول بݨݨ دی اجازت نی ہووݨی چاہیدی ۔ ترجمان آکھیے اساں عالمی برادری توں مطالبہ کریندوں او اسرائیل دی دہشت گردی تے فلسطینی عوام دے خلاف نسل کشی دی مہم کوں وختی مکاوݨ سانڳے جلدی اقدامات کرے۔ انہاں آکھیے ہݨ ویلھا آڳئے اسرائیل کوں ایندے جرائم اتے بین الاقوامی انسانی حقوق دے قانون دی خلاف ورزیاں دا ولدا گھنے۔
