اسلام آباد۔11جولائی(اے پی پی)آذربائیجان دے صدر الہام علیوف وزیر اعظم ہائوس اسلام آباد اچ وزیراعظم شہباز شریف نال ملین۔ انہاں ݙوطرفہ تعلقات خاص کر باہمی تجارت اتے سرمایہ کاری دے شعبیاں اچ ہک ٻئے توں فیدہ چاوݨ دے معاملیاں تے ڳالھ مہاڑ کیتی۔ ملاقات اچ ݙوہیں اڳواݨاں باہمی تجارت دا حڄم ٻیا ودھاوݨ اتے مختلف شعبیاں اچ ݙو ارب ڈالر تئیں دے سرمایہ کاری منصوبیاں تے ساڄھے داری دے معاملیاں …
آذربائیجان دے صدر الہام علیوف دی وزیر اعظم شہباز شریف نال ملاقات
مزید خبراں
اسلام آباد۔11جولائی(اے پی پی)آذربائیجان دے صدر الہام علیوف وزیر اعظم ہائوس اسلام آباد اچ وزیراعظم شہباز شریف نال ملین۔ انہاں ݙوطرفہ تعلقات خاص کر باہمی تجارت اتے سرمایہ کاری دے شعبیاں اچ ہک ٻئے توں فیدہ چاوݨ دے معاملیاں تے ڳالھ مہاڑ کیتی۔ ملاقات اچ ݙوہیں اڳواݨاں باہمی تجارت دا حڄم ٻیا ودھاوݨ اتے مختلف شعبیاں اچ ݙو ارب ڈالر تئیں دے سرمایہ کاری منصوبیاں تے ساڄھے داری دے معاملیاں تے وی غور کیتا۔ ملاقات اچ اہم علاقائی و عالمی امور، ݙو طرفہ تعلقات تکڑے کرݨ، باہمی تعاون دے مواقع ودھاوݨ سودھا ݙوہاں ٻھرا ملکاں وچال روابط ودھاوݨ تے وی ڳالھ مہاڑ کیتی۔
ISLAMABAD: July 11 – Prime Minister Muhammad Shehbaz Sharif and President of Azerbaijan H.E. Ilham Aliyev shake hands as the President of Azerbaijan arrives at the Prime Minister House. APP/TZD/FHA
ایں توں پہلے آذر بائیجان دے صدر الہام علیوف وزیر اعظم ہائوس اسلام آباد پجین تاں انہاں کوں وزیر اعظم شہبازشریف جی بسم اللہ آکھیا اتے مہمان صدر کوں تریے مسلح افواج دے دستیاں سلامی ݙتی اتے مہمان صدرپریڈ دا معائنہ کیتا۔
ISLAMABAD: July 11 – President of Azerbaijan H.E. Ilham Aliyev inspects the guard of honor being presented to him at the Prime Minister House. APP/TZD/FHA
مہمان صدر پاکستان مونو منٹ دا وی دورہ کیتے اتے اتھاں پھل رکھین۔ آذر بائیجان دے صدر الہام علیوف اپݨے وفد دے رلے 2 ݙینھ دے سرکاری دورے تے اسلام آباد آئے ہوئن۔
ISLAMABAD: July 11 – President of Azerbaijan HE Ilham Aliyev offering prayer after laying floral wreath at the Pakistan Monument. APP/TZD/FHA
انہاں کوں ایں دورے دی دعوت وزیراعظم شہبازشریف ݙتی ہئی۔ الہام علیوف دا اے دورہ ݙوہاں ملکاں وچال آپسی تعلقات و تعاون ودھاوݨ، علاقائی و عالمی امور تے ہکو سویں دلچسپی سانڳے اتفاق رائے اتے باہمی تجارتی حجم ودھاوݨ سودھا سرمایہ کاری دی مواقع پیدا کرݨ کیتے ہک اہم اڳونہی اے جیندا منݙھ وزیر اعظم شہبازشریف انہاں کوں دورے دی دعوت ݙے تے ٻدھیے۔
