پاکستان اتے آذربائیجان وچال ٹرانزٹ ٹریڈ ، سیاحت دے فروغ، کلچرل ایکسچینج پروگرام سودھے 15 معاہدے اتے مفاہمت دی یادداشتاں تے دستخط

اسلام آباد۔11جولائی (اے پی پی) پاکستان اتے آذربائیجان وچال ٹرانزٹ ٹریڈ ، سیاحت دے فروغ، کلچرل ایکسچینج پروگرام سودھے 15 معاہدے اتے مفاہمت دی یادداشتاں تے دستخط کیتے ڳئے۔ خمیس کوں وزیراعظم آفس دے میڈیا ونگ توں جاری تفصیل موجب وزیر اعظم محمد شہباز شریف اتے آذربائیجان دے صدر الہام علیوف دی موجودگی اچ وزیر اعظم ہائوس اچ انہاں معاہدیاں تے دستخط تھیے۔
انہاں اچ وزارت خارجہ امور پاکستان اتے وزارت خارجہ امور آذربائیجان دے درمیان قونصلر افیئرزتے مفاہمت دی یادداشت تے دستخط کیتے ڳئے۔ وزارت نجکاری پاکستان اتے آذربائیجان دی وزارت اکانومی وچال ریاستی اداریاں دی نجکاری دے شعبے اچ تعاون کیتے مفاہمت دی یادداشت تے دستخط کیتے ڳئے۔ حکومت پاکستان تے آذربائیجان دی حکومت وچال ٹرانزٹ ٹریڈ،ترجیحی تجارتی معاہدہ تے دستخط کیتے ڳئے۔ آذربائیجان دی وزارت انصاف اتے پاکستان دی وزارت قانون تے انصاف وچال تعاون دے معاہدے حکومت پاکستان اتے حکومت آذربائیجان وچال معدنی وسائل اتے جیالوجی دے شعبے اچ تعاون کیتے مفاہمت دی یادداشت تے دستخط کیتے ڳئے۔
ڈوہیں ملکاں وچال کلچرل ایکسچینج پروگرام برائے سال 29۔2024 تے دستخط کیتےڳئٖے ۔ ایندے علاوہ آذربائیجان دی وزارت ڈیجیٹل ڈویلپمنٹ تے ٹرانسپورٹ اتے پاکستان دی وزارت انفارمیشن ٹیکنالوجی و ٹیلی مواصلات وچال انفارمیشن اتےکمیونیکیشن ٹیکنالوجیز دے شعبہ اچ تعاون کیتے مفاہمت دی یادداشت تے دستخط کیتے ڳئے۔ایندے علاوہ آذربائیجان ٹیلی ویژن تے ریڈیو براڈ کاسٹنگ اتے پاکستان ٹیلی ویژن کارپوریشن وچال تعاون کیتے مفاہمت دی یادداشت اتے حکومت پاکستان اتے آذربائیجا ن دی حکومت وچال سائنٹیفک و ٹیکنالوجیکل کوں آپریشن کیتے معاہدے تے دستخط کیتے ڳئے۔
ڈوہیں رہنماواں دی موجودگی اچ حکومت پاکستان اتے آذربائیجان دی حکومت وچال سیاحت دے شعبے اچ تعاون کیتے اسلام آباد اتے باکو کوں سسٹر سیٹیز قرار ݙیوݨ دی مفاہمت دی یادداشت تے دستخط کیتے ڳئے۔ سمال تے میڈیم بزنس ڈویلپمنٹ ایجنسی آذربائیجان اتے سمیڈا پاکستان وچال مفاہمت دی یادداشت تے دستخط کیتے ڳئے۔ ادب دے شعبہ اچ ݙوہیں ملکاں وچال تعاون کیتے نظامی گنجوی انسٹی ٹیوٹ آف لٹریچر آذربائیجان نیشنل اکیڈمی آف سائنسز اتے پاکستان اکادمی ادبیات وچال مفاہمت دی یادداشت تے دستخط کیتے ڳئے۔ حکومت پاکستان اتے آذربائیجان وچال فضائی خدمات دا معاہدہ وی کیتا ڳئیا۔