اسلام آباد۔13جولائی(اے پی پی) وفاقی وزیر داخلہ محسن نقوی نال امریکی سفیر ڈونلڈ بلوم ملاقات اچ سانجھی دلچسپی دے امور تے ھک ݙوجھے نال ݙو پاسے تعلقات تکڑے کرݨ تے ڳالھ مہاڑ کیتی۔ملاقات اچ دہشت گردی نال نبݨݨ سانڳے تعاون ودھاوݨ ، منشیات دی سمگلنگ اتے سکیورٹی کوں تکڑا کرݨ جیہے امور تے توجہ ݙتی ڳئی ۔ فریقین اڄوکے سال اکتوبر اچ ھک سانجھے 'قانون نافذ کرݨ آلا ڈائیلاگ' کراوݨ …
وفاقی وزیر داخلہ محسن نقوی نال امریکی سفیر ڈونلڈ بلوم دی ملاقات
مزید خبراں
اسلام آباد۔13جولائی(اے پی پی) وفاقی وزیر داخلہ محسن نقوی نال امریکی سفیر ڈونلڈ بلوم ملاقات اچ سانجھی دلچسپی دے امور تے ھک ݙوجھے نال ݙو پاسے تعلقات تکڑے کرݨ تے ڳالھ مہاڑ کیتی۔ملاقات اچ دہشت گردی نال نبݨݨ سانڳے تعاون ودھاوݨ ، منشیات دی سمگلنگ اتے سکیورٹی کوں تکڑا کرݨ جیہے امور تے توجہ ݙتی ڳئی ۔ فریقین اڄوکے سال اکتوبر اچ ھک سانجھے ‘قانون نافذ کرݨ آلا ڈائیلاگ’ کراوݨ تے اتفاق کیتے۔ وزیرداخلہ محسن نقوی پاکستان دے قانون نافذ کرݨ آلے اداریں کوں تکڑا کرݨ اچ امریکی تعاون دی اہمیت تے زورݙتا۔ انہاں اسلام آباد پولیس تے نیویارک پولیس ڈیپارٹمنٹ وچال تعاون ودھاوݨ سانڳے نیویارک اچ تھیوݨ آلی اڄوکیی ڳالھ مہاڑ تے جھات پاتی ۔اسلام آباد پولیس دا ھک وفد تربیتی پروگراماں سودھے تعاون دے مزید موقع ڳولݨ سانڳے وختی نیویارک دا دورہ کریسی ۔محسن نقوی آئین دے تحت انھاں دے برابر دے حقوق تے زور ݙیندےساریاں اقلیتاں دے تحفظ سانڳے پاکستانی حکومت دے عزم دا اعادہ کیتے۔ انہاں اے وی ݙسائے اڄوکے جڑانوالہ سانحہ دے سارے ملزماں کوں گرفتار کرتے عدالت اچ پیش کیتا ڳئے ۔میٹنگ اچ امریکا اچ T20 ورلڈ کپ دی کامیاب میزبانی تے ڳالھ مہاڑ کیتی ڳئی جیں اچ بین الاقوامی کرکٹ سانڳے ھک نویں مرکز دے طور تے امریکادے کردار تے وی ڳالھ مہاڑ تھئی ۔محسن نقوی پاکستان، امریکا اتے کینیڈا وچال سہ ملکی سیریز دے نال نال امریکا تے کینیڈا وچال کرکٹ لیگ کراوݨ سانڳے آپݨیاں کوششاں دا ݙسائے ۔امریکی سفیر بلوم شائقین دی وݙی تعداد دی چس ݙسیندے دلچسپ اتے چنڳی طرح تھیوݨ آلے میچاں دی تعریف کیتی۔ملاقات اچ سیکرٹری داخلہ خرم علی آغا، چیف کمشنر اسلام آباد محمد علی رندھاوا اتے آئی جی اسلام آباد پولیس علی ناصر رضوی موجود ہن۔
