اسلام آباد۔13جولائی(اے پی پی) شہدائے کشمیرݙینھ تے چیئرمین سینیٹ سید یوسف رضا گیلانی پیغام ݙیندے آکھیے شہدائے کشمیردی لازوال قربانیاں کوں خراج عقیدت پیش کرینداں تے بھارتی قبضے دے خلاف کشمیریاں دی جدوجہد کوں سلام پیش کریندوں ،بھارت جموں و کشمیر تے غیر قانونی تے ظالمانہ قبضہ کر رکھیے۔شہدائے13جولائی 1931 اڄ دی تحریک آزادی دے وݙ وݙیرے ہن ،آزادی دی خاطر کشمیری نسل در نسل قربانیاں ݙیندے پئن تے کشمیری …
شہدائے کشمیر ݙینھ تے چیئرمین سینیٹ دا پیغام
مزید خبراں
اسلام آباد۔13جولائی(اے پی پی) شہدائے کشمیرݙینھ تے چیئرمین سینیٹ سید یوسف رضا گیلانی پیغام ݙیندے آکھیے شہدائے کشمیردی لازوال قربانیاں کوں خراج عقیدت پیش کرینداں تے بھارتی قبضے دے خلاف کشمیریاں دی جدوجہد کوں سلام پیش کریندوں ،بھارت جموں و کشمیر تے غیر قانونی تے ظالمانہ قبضہ کر رکھیے۔شہدائے13جولائی 1931 اڄ دی تحریک آزادی دے وݙ وݙیرے ہن ،آزادی دی خاطر کشمیری نسل در نسل قربانیاں ݙیندے پئن تے کشمیری ہندوتوا حکومت انھاں دی شناخت وسماوݨ دی سازش دے خلاف جدوجہد کریندے پئن۔چیئرمین سینیٹ سید یوسف رضا گیلانی آکھیے پاکستان ہمیشہ کشمیریاں دی حق خود ارادیت دی حمایت کیتی اے ،مقبوضہ کشمیردی آزادی تئیں تحریک آزادی دی حمایت جاری رکھیسوں تے بھارت دے غیر قانونی قبضہ مکݨ دا ݙینھ پرے کائنی ۔کشمیر دےشہدا حق خودارادیت دی جدوجہدکوں تازہ کیتے۔انہاں مزید آکھیے کشمیریاں دیاں قربانیاں ضائع نہ ویسن تے پاکستان کݙاہیں وی کشمیریاں کوں کلھا نہ چھوڑیسی
