آئین اچ سارے ادریں دے فرائض تے دائرہ کارواضح ہن، آئین دی تشریح کرݨ عدلیہ دا کم اے ، پارلیمنٹ ہی آئین کوں ول لکھ سڳدی اے، خواجہ محمد آصف

سیالکوٹ۔13جولائی(اے پی پی) دفاع خواجہ محمد آصف آکھیے اچ سارے ادریں دے فرائض تے دائرہ کارواضح ہن، آئین دی تشریح کرݨ عدلیہ دا کم اے ، پارلیمنٹ ہی آئین کوں ول لکھ سڳدی اے ۔ مخصوص نشستاں دےفیصلے  اچ بظاہر آئین دےآرٹیکل 51 تے106 کوں ری رائٹ کیتا ڳئے ۔ اے ڳالھ انہاں سیالکوٹ اچ آپݨی رہائش گاہ تے نیوز کانفرنس کریندے آکھی اے۔ ایں موقع تے ممبران صوبائی اسمبلی محمد منشاءاللہ بٹ ،چوہدری فیصل اکرام سودھے مسلم لیگ ن دے کارکنان موجود ہن انہاں آکھیے میݙی دانست اچ کل دا فیصلہ آئینی فیصلہ کائناں ہئی جیڑھا فیصلے دا فریق نہ ہئی انکوں ریلیف ݙتا ڳئے۔ میں عدلیہ دی وݙی عزت کرینداں ایں فیصلے اچ آئین دےآرٹیکل 51اتے106 کوں ری رائٹ کیتا ڳئے آئین لکھݨ  یا ری رائٹ تے ترمیم دا اختیار صرف پارلیمنٹ کوں ہے ایندے توں پہلے 63 اے دے سلسلے اچ وی اے تھی چکیا ہئی ۔پی ٹی آئی انہاں نشستاں دا دعویٰ ہی نی کیتا تے نا انہاں کوئی ریلیف منگیے۔ عدالت اچ تاں سنی اتحاد کونسل  ڳئی ہئی ، قانونی طور تےپارلیمان اچ ایں ویلھے بیٹھے ارکان حلف  نامہ جمع کروا چکن ،  اے عمل ول نی تھی سڳدا ۔انہاں آکھیے سینٹ اچ مسلم لیگ ن  کوں 2018 اچ انہاں حالات دا سامݨا کرݨا پیا سارے ڄاݨدن جو آزاد ارکان اپݨی پسند تے خواہش دے انتخابی نشان تے الیکشن لڑدن۔ پی ٹی آئی دے کہیں رکن بیان حلفی جمع کرایا ہی کائنی تے نہ ہی الیکشن کمیشن یا پشاور ہائی کورٹ اچ ایں تے اعتراض داخل کرائے ۔الیکشن کمیشن یا پشاور ہائی کورٹ اچ کہیں بندے اے نی آکھیا اینکوں پی ٹی آئی رکن دے طور تے منیا ونڄے ساریں دا دے دعویٰ ہئٰ جو او سنی اتحاد کونسل اچ رلئن تے سنی اتحاد کونسل ہی انھاں دی جماعت اے۔ چنڳے فیصلے او ہوندن جنہاں تے لب کشائی نہ کیتی ونڄے ۔سپریم کورٹ خود آکھیے آرٹیکل 187دے تحت اختیارات استعما ل کرݨ دے حالات موجود کائنی ایجھی صورتحال پیدا تھئی اے جو واضح کائنی۔ پی ٹی آئی ارکان قومی و صوبائی اسمبلی عدالت اچ بیان جمع کروائن جواو  سنی اتحاد کونسل دے ممبر ہن۔تحریک انصاف پارٹی دے اندر  الیکشن نہ کراوݨ پاروں پارٹی نشان ونڄایا