ڈیرہ اسماعیل خان اچ دہشت گرداں دا رورل ہیلتھ سنٹر تے حملہ، 2 لیڈی ہیلتھ ورکرز اتے 2 ٻالاں سودھے 5 شہری شہید ، سکیورٹی فورسز دی ویلھے تے کاروائی اچ ترائے دہشت گرد جنہم واصل

راولپنڈی ۔16جولائی  (اے پی پی) ڈیرہ اسماعیل خان اچ دہشت گرداں دا رورل ہیلتھ سنٹر تے حملہ، 2 لیڈی ہیلتھ ورکرز اتے 2 ٻالاں سودھے   5 شہری شہید ، سکیورٹی فورسز دی ویلھے تے کاروائی اچ ترائے دہشت گرد جنہم واصل تھی ڳئے۔ فائرنگ دے تبادلے اچ ݙو جوان وی شہید تھی ڳئے۔ منگل کوں آئی ایس پی آر توں جاری پریس ریلیز موجب  15 اتے 16 جولائی دی وچلی رات دہشت گرداں ڈیرہ اسماعیل خان دے علاوے کیری شاموزئی اچ دیہی مرکز صحت تے حملہ کیتا جئیں اچ ݙو لیڈی ہیلتھ ورکرز سودھے پںج شہری شہید تھی ڳئٖ۔ شہید تھیوݨ آلیاں اچ ݙو ٻال اتے ہک چوکیدار وی شامل اے۔ سکیورٹی فورسز فوری طور دیہی مرکز صحت اچ کلیئرنس آپریشن شروع کیتا جئیں دے نتیجے اچ دہشت گرداں نال فائرنگ دا تبادلہ تھیا اتے ترائے دہشت گرداں کوں جنہم واصل کیتا ڳئیا جڈانجو ایں وچال نارروال دے رہائشی 44 سالہ نائب صوبیدار محمد فاروق اتے خانیوال دے رہائشی 23 سالہ سپاہی محمد جاوید اقبال شہید تھی ڳئے۔ آئی ایس پی آر آکھیا جع علاقے اچ کہیں وی دہشت گرد دی موجودگی اتے اوندے خاتمے کیتے کاروائی جاری اے۔