اسلام آباد۔23جولائی(اے پی پی)صدر مملکت آصف علی زرداری ترکمانستان نال باہمی دلچسپی دے شعبیاں اچ ݙوطرفہ تعلقات ٻعے تکڑے کرݨ تے زور ݙیندے آکھیے جو ترکمانستان کوں گوادر بندرگاہ توں علاقائی تجارت سانڳے فیدہ چاوݨا چاہیدے۔ او اسلام آباد ترکمانستان دی کابینہ دے ڈپٹی چیئرمین اتے وزیر خارجہ راشد میردوف نال الیندے پئے ہن ڄیڑھے اپݨے وفد نال پاکستان دے دورے تے آئے ہوئن۔ صدر مملکت آکھیا جو پاکستان اتے …
صدر مملکت آصف علی زرداری اتے ترکمانستان دی کابینہ دے ڈپٹی چیئرمین، وزیر خارجہ راشد میردوف دی ملاقات
اسلام آباد۔23جولائی(اے پی پی)صدر مملکت آصف علی زرداری ترکمانستان نال باہمی دلچسپی دے شعبیاں اچ ݙوطرفہ تعلقات ٻعے تکڑے کرݨ تے زور ݙیندے آکھیے جو ترکمانستان کوں گوادر بندرگاہ توں علاقائی تجارت سانڳے فیدہ چاوݨا چاہیدے۔ او اسلام آباد ترکمانستان دی کابینہ دے ڈپٹی چیئرمین اتے وزیر خارجہ راشد میردوف نال الیندے پئے ہن ڄیڑھے اپݨے وفد نال پاکستان دے دورے تے آئے ہوئن۔ صدر مملکت آکھیا جو پاکستان اتے ترکمانستان دے تعلقات خطے اچ امن و خوشحالی دے ساڄھے مڳسد کیتے ہین، ݙوہاں ملکاں وچال اعلیٰ سطح دوریاں دا تبادلہ آپسی تعاون کوں بیا تکڑا کریسی، ݙوہاں ملکاں وچال تجارتی، اقتصادی، سرمایہ کاری و ثقافتی تعلقات ودھاوݨے چاہیدن۔ صدرمملکت آکھیا جو ترکمانستان دے طلباء پاکستان دے طبی اداریاں توں علم حاصل کر سڳدن۔ ترکمانستان دے وزیر خارجہ پاک ترکمانستان خوشگوار تعلقات تے اطمینان کریندے آکھیے جو ترکمانستان پاکستان نال اقتصادی، ثقافتی و تعلیمی تعاون جاری رکھسی۔ مہمان وزیر خارجہ ݙوہاں بھرا ملکاں کوں ملاوݨ کیتے موٹر ویز اتے ریلوے ٻݨاوݨ تے زور ݙتے۔
