عطائے رب کریم پرچم“ ۔۔۔ جرمنی اچ پاکستانی سفارت خانہ تے مشتعل مظاہرین دے حملے اتے قومی پرچم لہاوݨ دے واقعے دے خلاف وفاقی کابینہ دے ارکان ولوں ”حرمت پرچم“ مہم شروع کر ݙتی

اسلام آباد۔25جولائی  (اے پی پی) عطائے رب کریم پرچم“ ۔۔۔ جرمنی اچ پاکستانی سفارت خانہ تے مشتعل مظاہرین دے حملے اتے قومی پرچم لہاوݨ دے واقعے دے خلاف وفاقی کابینہ دے ارکان ولوں ”حرمت پرچم“ مہم شروع کر ݙتی اے۔ وفاقی وزرا پاکستانی پرچم دے رَلے تصویراں سوشل میڈیا تے جاری کر ݙتی۔ وفاقی وزراء سوشل میڈیا تے قومی پرچم نال محبت دے سنیھے وی لکھیے۔  نائب وزیراعظم تے وزیر خارجہ اسحاق ڈار، وفاقی وزرا سردار اویس لغاری، عبدالعلیم خان، رانا تنویر، عطا اللہ تارڑ سودھے ٻئے وزرا وی قومی پرچم دے رلے تصویراں سوشل میڈیا تے جاری کیتی۔ وفاقی وزیر اطلاعات عطا اللہ تارڑ ”چاند روشن چمکتا ستارہ رہے، سب سے اونچا یہ جھنڈا ہمارا رہے، پاکستان دے دشمناں کوں سنیھا نال سوشل میڈیا تے تصویر پوسٹ کیتی۔ اینویں ڈاکٹر مصدق ملک، علی پرویز ملک اتے جام کمال خان وی قومی پرچم اتے ”پاکستان زندہ باد“ دے سنیھے نال تصویراں جاری کیتی۔ وفاقی وزیر اطلاعات عطا اللہ تارڑ ایں موقع تے آکھیا جو سیاسی کارکن، صحافی، دانشور، اساتذہ، وکلا، ڈاکٹر، کسان، مزدور، طالب علم، کاروباری حضرات، ٻاہرلے ملک محب وطن پاکستانی اتے پاکستانی نینگر ”حرمت پرچم مہم“ دا حصہ ٻݨن۔ انہاں آکھیا جو پاکستان دا پرچم اساݙی قومی سنڄاݨ اتے خودمختاری دی علامت اے۔ پاکستانی پرچم قوم دے اتحاد اتے یکجہتی دی نمائندی کریندے۔ انہاں آکھیاجو اگست پاکستان دی آزادی دا مہینہ اے۔ حرمت پرچم دی اے مہم جاری رکھیسوں۔