اسلام آباد۔25جولائی(اے پی پی) سیکرٹری خارجہ محمد سائرس سجاد قاضی دی دعوت تے اقتصادی تعاون تنظیم (ای سی او) دے سبکدوش تھیوݨ آلے سیکرٹری جنرل خسرو نوزیری پاکستان دے ترائے ݙینھ دے سرکاری دورے تے ہن ۔ اے ڳالھ ترجمان دفتر خارجہ ممتاز زہرہ بلوچ پریس بریفنگ اچ ݙسائی ۔ انہاں آکھیے اقتصادی تعاون تنظیم دے سیکرٹری جنرل وزیراعظم، نائب وزیراعظم اتے وزیر خارجہ اتے وزیر تجارت نال ملاقاتاں …
او آئی سی دے سبکدوش تھیوݨ آلے سیکرٹری جنرل خسرو نوزیری دا ترائے ݙینھ دا دورہ پاکستان جاری ،اعلیٰ قیادت کوں ملسن
اسلام آباد۔25جولائی(اے پی پی) سیکرٹری خارجہ محمد سائرس سجاد قاضی دی دعوت تے اقتصادی تعاون تنظیم (ای سی او) دے سبکدوش تھیوݨ آلے سیکرٹری جنرل خسرو نوزیری پاکستان دے ترائے ݙینھ دے سرکاری دورے تے ہن ۔ اے ڳالھ ترجمان دفتر خارجہ ممتاز زہرہ بلوچ پریس بریفنگ اچ ݙسائی ۔ انہاں آکھیے اقتصادی تعاون تنظیم دے سیکرٹری جنرل وزیراعظم، نائب وزیراعظم اتے وزیر خارجہ اتے وزیر تجارت نال ملاقاتاں اچ آپݨے دور اچ کیتے ڳئے اقدامات تے سرگرمیاں دے نال تنظیم دی بحال سانڳے آپݨے اصلاحاتی ایجنڈے تے ڳالھ مہاڑ کریسن ۔ سیکرٹری جنرل نوزیری 24 توں 26 جولائی تئیں آپݨے الوداعی دورہ پاکستان تے ہن ، او آندے مہینے آپݨی مدت پوری کریندے پئن۔ ترجمان آکھیے آندے مہینے توں پاکستان دے سابق سیکرٹری خارجہ ڈاکٹر اسد مجید خان ترائے سال کیتے ای سی او دے سیکرٹری جنرل دا عہدہ سنبھلیسن، انھاں دی تقرری دی وزرا دی کونسل منظوری ݙتی اے تے ایندا نوٹیفکیشن اڄوکے سال مئی اچ جاری کیتا ڳیا ہئی
