اسلام آباد۔25جولائی(اے پی پی) پاکستان آکھیے او اقوام متحدہ دی سلامتی کونسل دی قرارداداں موجب جھیڑا جموں تے کشمیر دے منصفانہ اتے پرامن حل سانڳے کشمیریاں دی سیاسی، سفارتی اتے اخلاقی حمایت جاری رکھیسی ۔ ترجمان دفتر خارجہ ممتاز زہرہ بلوچ پریس بریفنگ اچ آکھیے جنیوا اچ انسانی حقوق دی کمیٹی ہݨے ہی بھارت دی چوتھی متواتر رپورٹ تے غور کیتے جو او شہری اتے سیاسی حقوق دے بین …
پاکستان جموں کشمیر جھیڑے دے حل سانڳے کشمیریاں دی سیاسی، سفارتی تے اخلاقی حمایت جاری رکھیسی، ترجمان دفتر خارجہ
اسلام آباد۔25جولائی(اے پی پی) پاکستان آکھیے او اقوام متحدہ دی سلامتی کونسل دی قرارداداں موجب جھیڑا جموں تے کشمیر دے منصفانہ اتے پرامن حل سانڳے کشمیریاں دی سیاسی، سفارتی اتے اخلاقی حمایت جاری رکھیسی ۔ ترجمان دفتر خارجہ ممتاز زہرہ بلوچ پریس بریفنگ اچ آکھیے جنیوا اچ انسانی حقوق دی کمیٹی ہݨے ہی بھارت دی چوتھی متواتر رپورٹ تے غور کیتے جو او شہری اتے سیاسی حقوق دے بین الاقوامی معاہدے دی دفعات کوں کیویں نافذ کریندے ۔ ترجمان آکھیے کارروائی اچ دوران پبلک سیفٹی ایکٹ اتے پبلک سکیورٹی ایکٹ جیہے سخت قوانین دے تحت گرفتاریاں تے بھارت دے غیر قانونی طور تے زیر تسلط جموں و کشمیر اچ موبائل انٹرنیٹ سروس دی مسلسل معطلی بارے اہم سوال چاتن ۔ انہاں آکھیے اے بھارت دے غیرقانونی طور تے زیر تسلط جموں و کشمیر اچ انسانی حقوق دی خراب صورتحال بارے بین الاقوامی انسانی حقوق دی مشینری دے مسلسل ݙر کوں ظاہر کریندے ۔ ترجمان آکھیے اساں عالمی برادری توں مطالبہ کریندوں جو او مقبوضہ جموں و کشمیراچ بھارت دی طرفوں انسانی حقوق دی انھاں خلاف ورزیاں دا نوٹس گھنے تے کشمیری عوام تے ظلم مکاوے
