اسلام آباد۔25جولائی(اے پی پی) پاکستان فلسطینی سیاسی دھڑیں دی طرفوں بیجنگ اچ ''اتحاد دے اعلامیہ'' دا خیرمقدم کیتے۔ اے ڳالھ ترجمان دفتر خارجہ ممتاز زہرہ بلوچ پریس بریفنگ اچ آکھی اے ۔ انہاں بامقصد مذاکرات سانڳے فلسطینی سیاسی دھڑیں کوں کٹھا کرݨ اچ چین دے کردار کوں منیندے ہوئیں ایندی تعریف کیتی۔ ترجمان آکھیے فلسطینی عوام خاص کر غزہ اچ جاری جنگی جرائم تے اسرائیلی قابض فوج دی طرفوں …
عالمی برادری غزہ اچ جاری غیر قانونی تے مسلسل جارحیت مکاوݨ سانڳے وختی مداخلت کرے، ترجمان دفتر خارجہ
اسلام آباد۔25جولائی(اے پی پی) پاکستان فلسطینی سیاسی دھڑیں دی طرفوں بیجنگ اچ ”اتحاد دے اعلامیہ” دا خیرمقدم کیتے۔ اے ڳالھ ترجمان دفتر خارجہ ممتاز زہرہ بلوچ پریس بریفنگ اچ آکھی اے ۔ انہاں بامقصد مذاکرات سانڳے فلسطینی سیاسی دھڑیں کوں کٹھا کرݨ اچ چین دے کردار کوں منیندے ہوئیں ایندی تعریف کیتی۔ ترجمان آکھیے فلسطینی عوام خاص کر غزہ اچ جاری جنگی جرائم تے اسرائیلی قابض فوج دی طرفوں بین الاقوامی قوانین دی صریح خلاف ورزی پاروں فلسطینی عوام وچال اتحاد ٻہوں اہمیت رکھیندے ، انہاں آکھیے پاکستان ھک واری ول عالمی برادری توں مطالبہ کیتے جو او غزہ اچ جاری غیر قانونی اتے مسلسل جارحیت مُکاوݨ سانڳے وختی مداخلت کرے۔ ترجمان آکھیے اساں فلسطینی عوام دے ناقابل تنسیخ حق خودارادیت گھنݨ ، انہاں دی فلسطین اچ واپسی دے حق اتے القدس الشریف کوں ایندے دارالحکومت دے طور تے ھک آزاد فلسطینی ریاست دے قیام دی حمایت دا وی اعادہ کریندوں
