اسلام آباد۔25جولائی(اے پی پی) وزیر مملکت آئی ٹی و ٹیلی کمیونیکیشن شزہ فاطمہ خواجہ پاکستان اچ سعودی عرب دے سفیر نواف بن سعید احمد المالکی نال ملاقات کیتی ۔ملاقات اچ سانجھی دلچسپی دے امور اتے ݙوہیں ملکاں وچال آئی ٹی و ٹیلی کمیونیکیشن سیکٹر اچ تعلقات ودھاوݨ تے ڳالھ مہاڑ تھئی ۔ وزارت آئی ٹی و ٹیلی کمیونیکیشن توں جاری بیان موجب ملاقات اچ وزیر مملکت آئی ٹی آکھیے …
وزیر مملکت آئی ٹی شزہ فاطمہ دی سعودی عرب دے سفیر نال ملاقات
اسلام آباد۔25جولائی(اے پی پی) وزیر مملکت آئی ٹی و ٹیلی کمیونیکیشن شزہ فاطمہ خواجہ پاکستان اچ سعودی عرب دے سفیر نواف بن سعید احمد المالکی نال ملاقات کیتی ۔ملاقات اچ سانجھی دلچسپی دے امور اتے ݙوہیں ملکاں وچال آئی ٹی و ٹیلی کمیونیکیشن سیکٹر اچ تعلقات ودھاوݨ تے ڳالھ مہاڑ تھئی ۔ وزارت آئی ٹی و ٹیلی کمیونیکیشن توں جاری بیان موجب ملاقات اچ وزیر مملکت آئی ٹی آکھیے پاکستان سعودی عرب نال آئی ٹی و ٹیلی کام سیکٹر اچ تعلقات ودھاوݨ چاہندے ، پاکستانی ٹیک کمپنیاں سانڳے سعودی عرب پرکشش مارکیٹ اے،چاہندوں جو پاکستانی کمپنیاں سانڳے سعودی عرب اچ سوکھیں آونڄ ہووے ، سعودی عرب پاکستان سافٹ ویئر ایکسپورٹ بورڈ نال رجسٹرڈ کمپنیاں کوں ویزا گھنݨ اچ سوکھ تے سپورٹ ݙیوے، سعودی عرب نال سائبر سکیورٹی دے میدان اچ وی کم کرݨ چاہندوں۔سعودی عرب دے سفیر نواف بن سعید احمد المالکی آکھیے سعودی عرب پاکستان نال آئی ٹی و ٹیلی کام سیکٹر اچ مکمل تعاون کریسی ، پاکستانی آئی ٹی کمپنیاں کوں ویزا گھنݨ تے آوںڄ سپورٹ کریسوں۔ملاقات اچ ڈائریکٹر جنرل انٹرنیشنل کوآرڈینیشن سید جواد علی شیرازی وی موجود ہن۔
