حکومت عوام اتے تاجراں کوں ریلیف ݙیوݨ دی کوشش کریندی پئی اے، وفاقی وزیر صنعت تے پیداوار رانا تنویر حسین

اسلام آباد۔26جولائی  (اے پی پی) وفاقی وزیر صنعت تے پیداوار رانا تنویر  حسین آکھیا جو حکومت سرمایہ کاری نال خصوصی اقتصادی زونز ٻݨیندی پئی اے، حکومت عوام اتے تاجراں کوں ریلیف ݙیوݨ دی کوشش کریندی پئی اے۔ اے ڳالھیں انہاں جمعے کوں ایف پی سی سی آئی  دے صدرعاطف اکرام شیخ دی قیادت اچ وفد نال ڳالھ مہاڑ کریندیں ہوئیں آکھی۔ انہاں آکھیا جو حکومت انڈسٹری دے مسئلے حل کرݨ دی کوشش کریندی پئی اے۔ انہاں آکھیا جو حکومت خصوصی اقتصادی زونز ٻݨیندی پئی اے۔ ملاقات اچ ایف پی سی سی آئی وفد مہانگی بجلی اتے آئی پی پیز نال ناجائز معاہدیاں دا معاملہ چاتا۔