وزیراعلی پنجاب مریم نواز زرعی ٹیوب ویل سولرائزیشن پراجیکٹ دی منظوری ݙے ݙتی

لاہور۔26جولائی  (اے پی پی) وزیراعلی  پنجاب مریم  نواز زرعی ٹیوب ویل سولرائزیشن پراجیکٹ دی منظوری ݙے ݙتی اے۔ اے منظوری جمعے کوں آپݨی صدارت تھیوݨ آلے اہم اجلاس اچ ݙتی ڄئیں اچ سینیٹر پرویز رشید، سینئر صوبائی وزیر مریم اورنگزیب،صوبائی  وزیر اطلاعات و ثقافت عظمی زاہد بخاری، صوبائی وزیر زراعت سید عاشق حسین کرمانی، چیف سیکرٹری،سیکرٹری زراعت اتے ٻئے حکام موجود ہن۔ وزیراعلیٰ پنجاب ایں موقع تے    ویجیٹیبل  فارمرزکیتے وی خصوصی پیکیج تیار کرݨ دی ہدایت کیتی اتے ٹماٹر، وسل سودھے ٻئی ضروری سبزریاں دے سپلائی کیتے مینجمنٹ دا پائیدار سسٹم ٻݨاوݨ دا حکم ݙتا۔ اجلاس اچ زرعی ٹیوب ویل دی سولرائزیشن تے بریفنگ اچ ݙسیا ڳئیا جو پنڄوی ایکڑ رقبے دے مالک کاشتکار زرعی ٹیوب ویل سولرائزیشن پراجیکٹ دے اہل ہوسن ، سولرائزیشن پراجیکٹ کیتے کاشتکار کوں صرف 33فیصدادائیگی کرݨی پوسی،زرعی ٹیوب ویل سولرائزیشن پراجیکٹ دی67فیصد ادائیگی حکومت کریسی،پہلے مرحلے اچ 7ہزار ٹیوب ویل سولر انرجی تے کیتے ویسن۔ وفاقی حکومت دی سانجھ نال ݙوجھے مرحلے اچ ٻئے ݙاہ زہار ٹیوب ویل سولر تے کیتے ویسن۔ ( م ، ن/ج، م)14:32