خطے اچ پائیدار ترقی ودھاوݨ سانڳے ٹھوس تے نتیجے تے مبنی پالیسیاں دی لوڑھ اے،جام کمال خان

اسلام آباد۔26جولائی(اے پی پی) وفاقی وزیر تجارت جام کمال خان آکھیے خطے اچ پائیدار ترقی کوں ودھاوݨ سانڳے ٹھوس اتے نتیجے تے مبنی پالیسیاں دی لوڑھ اے۔ اے ڳالھ انہاں اسلام آباد اچ  ای سی او دے سیکرٹری جنرل سفیر خسرو نوزیری نال آپݨے دفتراچ ملاقات کریندے آکھی ۔ ملاقات اچ علاقائی تجارت اتے اقتصادی تعاون تنظیم (ای سی او) دی مستقبل دی سمت تے ڳالھ مہاڑ کیتی ۔ ملاقات اچ وزیر تجارت جام کمال خان سفیر نوزیری دی ای سی او اچ غیر معمولی خدمات دی تعریف کریندے ایں اعتماد دا اظہار کیتے۔ ملاقات اچ سفیر نوزیری ای سی او دی اڄوکی سرگرمیاں دا جائزہ پیش کیتا اتے تنظیم دے علاقائی اتے عالمی اثر و رسوخ ودھاوݨ دے مقصد توں جاری اصلاحات تے زور ݙتا۔ انہاں امید ظاہر کیتی جو اے اصلاحات نویں سیکرٹری جنرل دے تحت جاری رہسن جیں توں نظیم کوں تقویت ملسی۔  ملاقات اچ بین الاضلاع تجارت ودھاوݨ تے رکن ملکاں وچال رابطے ودھاوݨ تے ڳالھ مہاڑ کیتی ڳئی ۔ ݙوہیں پاسوں ای سی او ویژن 2025 دی پیشرفت دا جائزہ ڳھدا ، جیں کوں 2017 اچ اسلام آباد اچ 13ویں ای سی او سربراہی اجلاس دے دوران اپنایا ڳیا ہئی۔ وزیر تجارت آکھیے عالمی سطح تے تجارتی تعاون ودھاوݨ سانڳے 126 ملکاں کیتے پاکستان ویزا فری پالیسی ترتیب ݙتی اے۔  سفیر نوزیری ای سی او دے بانی رکن ہووݨ دے ناطے تجارتی اتے سیاسی ݙوہیں شعبیں اچ تنظیم اچ پاکستان دے اہم کردار کوں منی ے ۔ انہاں سیکرٹری جنرل کوں ای سی او دے اصلاحاتی ایجنڈے سانڳے مکمل حمایت دا یقین ݙیوائے تے بین الاضلاعی تجارت ودھاوݨ سانڳے پاکستان دے عزم دا اعادہ کیتے