آرٹیفیشل انٹیلی جنس ھک حقیقت ،پاکستان دنیا اچ آئی ٹی اتے انفارمیشن پاور بݨ تے ابھرسی ،احسن اقبال

اسلام آباد۔26جولائی(اے پی پی) وفاقی وزیر منصوبہ بندی ترقی و اصلاحات وخصوصی اقدامات احسن اقبال آکھیے دنیا اچ آرٹیفیشل انٹیلیجنس ہݨ مستقبل نی بلکہ موجودہ حقیقت اے،پاکستان دنیا اچ آئی ٹی اتے انفارمیشن پاور بݨ تے ابھرسی۔ اے ڳالھ انہاں آرٹیفیشل انٹیلیجنس تے اجلاس توں خطاب اچ آکھی ، انہاں آکھیے مسلم لیگ (ن) دی حکومت 2017 اچ آرٹیفیشل انٹیلی جنس دا قومی سینٹر بݨایا ، 2023 اچ آرٹیفیشل انٹیلی جنس دی قومی ٹاسک فورس بݨائی ۔اساں وژن 2025 دے تحت جدید ٹیکنالوجیز دے نیشنل سینٹر فار ایکسی لینس بݨائے تے ہر سنٹر کوں اٹھ ݙاہ یونیورسٹیاں دے انجینئرنگ لیب نال منسلک کیتے ۔ اے سینٹرز ویلھے تے نہ بݨدے تاں اساں پچھوں رہ ویندے ۔ احسن اقبال آکھیے ٹاسک فورس ھک مہینے اچ سارے سٹیک ہولڈرز نال مشاورت مکمل کریسی اگست اچ آرٹیفیشل انٹیلی جنس دی حتمی پالیسی کابینہ کوں منظوری سانڳے پیش کیتی ویسی ،پاکستان اچ پالیسییاں دا تسلسل برقرار نہ رہݨ دی وجہ توں ہمیشی توں ہمیشہ ترقیاتی پالیسیاں اچ رکاوٹ پیش آندی ،ھک سازش دے تحت قوم دی خود اعتمادی کوں ختم کیتا ڳئے ۔انہاں آکھیے قوم کوں چور اتے ڈاکو بݨا تے پیش کیتا ڳیا جݙاں جو پاکستانی قوم دی سنڄاݨ ایندی ذہانت اتے محنت اے،سی پیک 2013 اچ شروع کیتا تاں دھرنے وی شروع تھی ڳئے ۔سی پیک دے رستے اچ روڑے اٹکاوݨ دے باوجود ملک اچ 25 ارب ڈالر دی انوسٹمنٹ پاکستان اچ آئی ۔انہاں آکھیے جݙاں وی پاکستان معاشی طور تے چلݨ لڳدے تاں ساݙا رستہ روکیا ویندے ہݨ سی پیک فیز ٹو شروع تھیندا پئے تساں فساد تے انتشار دے کردار ول اٹھی پئن ۔ انہاں آکھیے چین وزیر اعظم دے دورہ چین دے دوران 2  لکھ پاکستانی نینگراں کوں آئی ٹی ٹریننگ ݙیوݨ دا وعدہ کیتے ،چین دی وزارت تعلیم ساݙے نینگراں دی ٹریننگ  اچ تعاون کرݨ سانڳے تیار اے