اسلام آباد۔30جولائی (اے پی پی) وفاقی وزیر داخلہ محسن نقوی انسانی سمگلنگ روکݨ بارے جڳ ݙیھاڑ تے آپݨے خصوصی سنیھے اچ آکھیا جو غریبی، بے روزگاری اتے وسائل دی غیر مںصفانہ ونڈ پاروں انسانی سمگلنگ ودھی اے۔ ڳھٹ ترقی آلے ملکاں کوں غیر قانونی انسانی سمگلنگ دا ساریاں توں ودھ سامݨا اے۔ پاکستان اچ وی انسانی سمگلنگ دے گینگ ہن۔ ایں بارے ایف آئی اے انہاں گینگز دی سرکوبی کیتے ہر ویلھے چوکس اے اتے کئی ملزماں کوں گرفتار وی کیتا ڳئے۔ ترقی یافتہ اتے ڳھٹ ترقی آلے ملکاں کوں انسانی سمگلنگ دے گھناؤنے جرم دے خلاف کٹھے تھیوݨا پوسی۔ انسانی سمگلنگ انسانی حقوق، وقار اتے آزادی دی صریحاً خلاف ورزی اے۔
